小雨

《小雨》Sió-hōo
林玉英 Lîm Gio̍k-ing
——————————————
今夜風雨
kim-iā hong-ú
飄飄落袂離
phiau-phiau lo̍h buē-lī
陣陣雨聲
tsūn-tsūn hōo-siann
滴滴帶情意
tih-tih tài tsîng-ì
熱戀時的天氣
jia̍t-luân sî ê thinn-khì
親像今夜的暗暝
tshin-tshiūnn kim-iā ê àm-mî
小雨啊
sió-hōo–ah
你敢閣會記
lí kám koh ē-kì

提起初戀寫批彼枝筆
the̍h khí tshoo-luân siá phue hit ki pit
輕輕寫出一句我愛你
khin-khin siá tshut tsi̍t-kù guá ài lí
無奈這全部是
bô-nāi tse tsuân-pōo sī
今夜風雨咧創治
kim-iā hong-ú teh tshòng-tī
小雨引阮想起你
sió-hōo ín gún siūnn-khí lí

敢講思念的意義
kám-kóng su-liām ê ì-gī
就是分離的開始
tiō-sī hun-lī ê khai-sí
害我害我對你放袂離
hāi guá, hāi guá tuì lí pàng buē-lī

但願離別是暫時
tān-guān lī-pia̍t sī tsiām-sî
毋是遺憾的開始
m̄-sī uî-hām ê khai-sí
小雨請你轉達伊
sió-hōo tshiánn lí tsuán-ta̍t i