惜情

《惜情》Sioh-tsîng

王識賢Ông Sik-hiân

——————————————

自從彼日相見

tsū-tsiông hit-ji̍t sann-kìnn

心情一直攏袂清

sim-tsîng it-ti̍t lóng buē tshing

愛你善良古錐

ài lí siān-liông kóo-tsui

猶有美麗的形影

iáu-ū bí-lē ê hîng-iánn

輕輕牽你的手

khin-khin khan lí ê tshiú

驚你受風寒

kiann lí siū hong-kuânn

看你見笑歹勢

khuànn lí kiàn-siàu pháinn-sè

越頭做你行

ua̍t-thâu tsuè lí kiânn

啊~初戀情蜜甜

ah~ tshoo-luân tsîng bi̍t-tinn

花落塗

hue lo̍h-thôo

嘛會來疼惜

mā ē lâi thiànn-sioh

會當佮你熟似

ē-tàng kah lí si̍k-sāi

是前世修來的緣

sī tsîng-sè siu–lâi ê iân

毋捌認真愛過

m̄-bat jīn-tsin ài–kuè

毋知啥物是真情

m̄-tsai siánn-mih sī tsin-tsîng

春風已經吹來

tshun-hong í-king tshue–lâi

吹入阮心肝底

tshue ji̍p gún sim-kuann-té

鳥隻做伴唸歌

tsiáu-tsiah tsuè-phuānn liām-kua

親像咱兩个

tshin-tshiūnn lán nn̄g-ê

啊~海鳥也成雙對

ah~ hái-tsiáu iā sîng-siang-tuì

海風吹

hái-hong tshue

海面嘛起寒冷

hái-bīn mā khí hân-líng

毋敢對你表明

m̄-kánn tuì lí piáu-bîng

環境阻礙咱的情

khuân-kíng tsóo-gāi lán ê tsîng

怨嘆緣份遮薄

uàn-thàn iân-hūn tsiah po̍h

前途宛然失光明

tsiân-tôo uán-jiân sit kong-bîng

毋甘予你失望

m̄-kam hōo lí sit-bōng

驚你哭出聲

kiann lí khàu tshut-siann

耽誤你的青春

tam-gōo lí ê tshing-tshun

無奈我的情

bô-nāi guá ê tsîng

啊~變調的戀情

ah~ piàn-tiāu ê luân-tsîng

水結冰

tsuí kiat-ping

感情嘛像冰冷

kám-tsîng mā tshiūnn ping-líng