為你空相思

《為你空相思》Uī Lí Khang Siunn-si

周蓬霖Tsiu Hông-lîm

——————————————

想欲見著你一面

siūnn-beh kìnn-tio̍h lí tsi̍t-bīn

袂達成

bē ta̍t-sîng

枉費阮來對伊遮痴情

óng-huì gún lâi tuì i tsiah tshi-tsîng

深更的青冷霜風

tshim-kinn ê tshinn-líng sng-hong

哪會遮爾冷

ná ē tsiah-nī líng

痴痴迷迷

tshi-tshi-bê-bê

也已經無啥物路用

iā í-king bô siánn-mih lōo-īng

啊~思思念念

ah~ su-su-liām-liām

引阮袂分明

ín gún bē hun-bîng

暗淡的路燈

àm-tām ê lōo-ting

像阮失主裁

tshiūnn gún sit tsú-tshâi

苦嘆心內滿腹的悲哀

khóo-thàn sim-lāi muá-pak ê pi-ai

阮真情阮的實意

gún tsin-tsîng gún ê si̍t-ì

你攏佯毋知

lí lóng tìnn m̄-tsai

看你生媠又溫馴

khuànn lí sinn suí iū un-sûn

妖嬌佮可愛

iau-kiau kah khó-ài

啊~原來我是

ah~ guân-lâi guá sī

予你騙毋知

hōo lí phiàn m̄-tsai

對著彼爿天

tuì tio̍h hit pîng thinn

叫出你名字

kiò tshut lí miâ-jī

你敢誠實全部無聽見

lí kánn tsiânn-si̍t tsuân-pōo bô thiann-kìnn

無相辭越頭就去

bô sio-sî ua̍t-thâu tsiū khì

遮爾無情義

tsiah-nī bô tsîng-gī

咱的戀情

lán ê luân-tsîng

也已經完全斷了離

iā í-king uân-tsuân tn̄g liáu-lī

啊~已經無望

ah~ í-king bô-bāng

恨你無情義

hūn lí bô tsîng-gī