人生字歹寫
https://www.youtube.com/watch?v=hhYZu8pSVSY&fbclid=IwAR2WLn3QrHSfX3HeOnZWzQA38-h7g_jvCnvGh2pKiNpYx4ycKfQVFr0Ch-Y
《人生字歹寫》Jîn-sing Jī Pháinn Siá
放志樂團Hòng-tsì Ga̍k-thuân
——————————————
無奈的心聲
bô-nāi ê sim-siann
結規丸的心
kiat-kui-uân ê sim
是會當按怎
sī ē-tàng án-tsuánn
咱攏講看破
lán lóng kóng khuànn-phuà
該當若認命就認命
kai-tong nā jīn-miā tiō jīn-miā
食虧袂死啦
tsia̍h-khui bē sí–lah
這句話
tsit kù uē
比我唱的悲歌較好聽
pí guá tshiùnn ê pi-kua khah hó-thiann
人生道理啊
jîn-sing tō-lí–ah
聽完青春攏過一半
thiann uân tshing-tshun lóng kuè tsi̍t-puànn
敢真正有看破
kám tsin-tsiànn ū khuànn-phuà
每一工暗時
muí tsi̍t-kang àm-sî
攏將人生提出來寫
lóng tsiong jîn-sing the̍h tshut-lâi siá
破糊糊的心肝啊
phuà kôo-kôo ê sim-kuann–ah
著愛面對家己的時陣
tio̍h-ài bīn-tuì ka-kī ê sî-tsūn
才知疼
tsiah tsai thiànn
我親像電影
guá tshin-tshiūnn tiān-iánn
人將我慈悲心懷
lâng tsiong guá tsû-pi sim-huâi
用跤佇咧踏
iōng kha tī-leh ta̍h
等到我唱煞這條歌
tán-kah guá tshiùnn suah tsit tiâu kua
才知影人生遮歹寫
tsiah tsai-iánn jîn-sing tsiah pháinn siá
無藥醫啦
bô io̍h i–lah
只怪我少年
tsí kuài guá siàu-liân
無愛讀冊
bô-ài tha̍k-tsheh
愛冤家
ài uan-ke
序大的話
sī-tuā ê uē
毋捌聽過
m̄-bat thiann–kuè
攏失去控制
lóng sit-khì khòng-tsè
懵懂的性地
bóng-tóng ê sìng-tē
總是無顧一切
tsóng-sī bô-kòo it-tshè
替社會造問題
thè siā-huē tsō būn-tê
敢講我付出的代價
kám-kóng guá hù-tshut ê tāi-kè
猶無夠濟
iáu bô-kàu tsē
佇咧社會被人排?
tī-leh siā-huē pī-lâng pâi-kheh
被人講笑話
pī-lâng kóng tshiò-uē
所以我跤踏實地
sóo-í guá kha ta̍h si̍t-tē
也毋敢怨慼
iā m̄-kánn uàn-tsheh
歹路攏是家己揣
pháinn-lōo lóng-sī ka-tī tshuē
我家己欺騙我
guá ka-kī khi-phiàn guá
每一工寫的人生
muí tsi̍t-kang siá ê jîn-sing
毋敢提出來看
m̄-kánn the̍h tshut-lâi khuànn
虛偽的心肝啊
hi-guī ê sim-kuann–ah
著愛面對家己的時陣
tio̍h-ài bīn-tuì ka-kī ê sî-tsūn
才知輸贏
tsiah tsai su-iânn
我親像電影
guá tshin-tshiūnn tiān-iánn
人將我慈悲心懷
lâng tsiong guá tsû-pi sim-huâi
用刀佇咧割
iōng to tī-leh kuah
等到我唱煞這條歌
tán-kah guá tshiùnn suah tsit tiâu kua
才知烏暗路遮歹行
tsiah tsai oo-àm-lōo tsiah pháinn-kiânn
無藥通醫啦
bô io̍h thang i–lah
