四季三輪車
《四季三輪車》Sù-kuì Sann-lián-tshia
李清風Lí Tshing-hong
——————————————
春天雨毛毛
tshun-thinn hōo mn̂g-mn̂g
透早三輪車踏出門
thàu-tsá sann-lián-tshia ta̍h tshut-mn̂g
為著生活著拍算
uī-tio̍h sing-ua̍h tio̍h phah-sǹg
雙跤踏袂酸踏袂酸
siang kha ta̍h buē sng ta̍h buē sng
電影街到東門
Tiān-iánn-kue kàu Tang-mn̂g
城內固定去
siânn-lāi kòo-tīng khì
趁錢毋驚路頭遠
thàn-tsînn m̄-kiann lōo-thâu hn̄g
毋驚路頭遠
m̄-kiann lōo-thâu hn̄g
夏天赤日頭
hē-thinn tshiah ji̍t-thâu
跤踏三輪車四界跑
kha ta̍h sann-lián-tshia sì-kè pháu
價錢佮人無計較
kè-tsînn kah lâng bô kè-kàu
規日拍拚走拍拚走
kui ji̍t phah-piànn tsáu phah-piànn tsáu
新公園火車頭
Sin-kong-hn̂g hé-tshia-thâu
直透北門口
ti̍t-thàu Pak-mn̂g kháu
趁錢毋驚汗那流
thàn-tsînn m̄-kiann kuānn ná lâu
毋驚汗那流
m̄-kiann kuānn ná lâu
冬風陣陣冷
tang-hong tsūn-tsūn líng
跤踏三輪車走無停
kha ta̍h sann-lián-tshia tsáu bô-thîng
好歹人客毋免揀
hó-pháinn lâng-kheh m̄-bián kíng
認真顧家庭顧家庭
jīn-tsin kòo ka-tîng kòo ka-tîng
大龍泵保安宮
Tuā-lông-pōng Pó-an-king
雙連田仔頂
Siang-liân Tshân-á-tíng
趁錢毋驚跤無閒
thàn-tsînn m̄-kiann kha bô-îng
毋驚跤無閒
m̄-kiann kha bô-îng
