天刑者
《天刑者》Thian-hîng-tsiá
吳俊宏Ngôo Tsùn-hông
——————————————
昨暝的冷風
tsa-mê ê líng-hong
揻揻鑽
ui-ui tsǹg
無法度擾亂我
bô-huat-tōo jiáu-luān guá
正義靈魂
tsìng-gī lîng-hûn
看袂過世界的委屈
khuànn buē-kuè sè-kài ê uí-khut
路見不平
lōo kiàn put-pîng
無容忍
bô iông-jím
啥人講
siánn-lâng kóng
世間無報應
sè-kan bô pò-ìng
攑頭若攏毋驚有神明
gia̍h-thâu nā lóng m̄-kiann ū sîn-bîng
法律若一旦失公正
huat-lu̍t nā it-tàn sit kong-tsìng
替天行道替天刑
thè thian hîng-tō thè thian hîng
夜鷹掩護的叫聲
iā-ing am-hōo ê kiò-siann
烏雲閘月的深夜
oo-hûn tsa̍h gue̍h ê tshim-iā
心若無邪無所怕
sim nā bû siâ bû-sóo phà
我化身為天刑者
guá huà-sin uī thian-hîng-tsiá
夜鷹掩護的叫聲
iā-ing am-hōo ê kiò-siann
烏雲閘月的深夜
oo-hûn tsa̍h gue̍h ê tshim-iā
該有最後的審判
kai ū tsuè-āu ê sím-phuànn
將性命交予我
tsiong sìnn-miā kau hōo guá
