焦一杯
《焦一杯》Ta–tsi̍t pue
吳俊宏Ngôo Tsùn-hông
——————————————
一杯燒酒一杯焦
tsi̍t-pue sio-tsiú tsi̍t-pue ta
啉予心情爽快啦
lim hōo sim-tsîng sóng-khuài–lah
男兒心事我知影
lâm-jî sim-sū guá tsai-iánn
啉酒毋免拚輸贏
lim-tsiú m̄-bián piànn-su-iânn
燒酒一杯閣再焦
sio-tsiú tsi̍t-pue koh-tsài ta
三八兄弟相伨啦
sam-pat hiann-tī sio-thīn–lah
你有才情我有膽
lí ū tsâi-tsîng guá ū tánn
成功的路鬥陣行
sîng-kong ê lōo tàu-tīn kiânn
想起青春彼條戀歌
siūnn-khí tshing-tshun hit tiâu luân-kua
艱苦無算啥
kan-khóo bô-sǹg siánn
希望愛我疼我的人
hi-bāng ài guá thiànn guá ê lâng
會當諒解啦
ē-tàng liōng-kái–lah
為著咱的理想未來
uī-tio̍h lán ê lí-sióng bī-lâi
做伙來拍拚
tsò-hué lâi phah-piànn
一步一步
tsi̍t-pōo-tsi̍t-pōo
創造好名聲
tshòng-tsō hó miâ-siann
