跳舞到天光

《跳舞到天光》Thiàu-bú Kàu Thinn-kng
江蕙Kang Huī
——————————————
穿著你送阮的懸搭鞋
tshīng tio̍h lí sàng gún ê kuân-tah-ê
行過咱牽手的彼條街
kiânn kuè lán khan-tshiú ê hit tiâu ke
想你對阮的熱情
siūnn lí tuì gún ê jia̍t-tsîng
親像是煙火
tshin-tshiūnn sī ian-hué
鬧熱了後覕去佗
lāu-jia̍t liáu-āu bih khì tueh

都市夜景雖然真美麗
too-tshī iā-kíng sui-jiân tsin bí-lē
寂寞的冷風對面來吹
tsi̍k-bo̍k ê líng-hong tuì bīn lâi tshue
趕走這一切
kuánn tsáu tse it-tshè
想欲揣一个
siūnn-beh tshuē tsi̍t-ê
會當跳舞跳規暝
ē-tàng thiàu-bú thiàu kui-mê

像舞步咱攏跳袂齊
tshiūnn bú-pōo lán lóng thiàu buē tsê
阮只有進
gún tsí-ū tsìn
你攏咧退
lí lóng teh thè
你對別人
lí tuì pa̍t-lâng
比阮閣較予你痴迷
pí gún koh-khah hōo lí tshi-bê

陪著你
puê tio̍h lí
戇戇咧踅戇戇踅
gōng-gōng teh se̍h gōng-gōng se̍h
如今放著阮四界去飛
jû-kim pàng tio̍h gún sì-kè khì pue
當初你的情話
tong-tshoo lí ê tsîng-uē
聽起來真笑詼
thiann–khí-lâi tsin tshiò-khue

陪著阮
puê tio̍h gún
燒酒一杯閣一杯
sio-tsiú tsi̍t-pue koh tsi̍t-pue
阮毋知影啉了偌濟
gún m̄ tsai-iánn lim liáu guā-tsuē
心情無地囥
sim-tsîng bô-tè khǹg
悲傷無人問
pi-siong bô-lâng mn̄g
阮跳舞到天光
gún thiàu-bú kàu thinn-kng