偷偷將你當做知己

《偷偷將你當做知己》Thau-thau Tsiong Lí Tòng-tsò Ti-kí
江蕙Kang Huī
——————————————
阮的心事你攏知
gún ê sim-sū lí lóng tsai
你攏當做無了解
lí lóng tòng-tsuè bô liáu-kái
敢講這是你對阮的慈悲
kám-kóng tse sī lí tuì gún ê tsû-pi
放袂記咱兩人
pàng-buē-kì lán nn̄g-lâng
過去看過的風景
kuè-khì khuànn-kuè ê hong-kíng
你講希望阮一生陪伴你
lí kóng hi-bāng gún it-sing puê-phuānn lí

珠淚牽拖著過去
tsu-luī khan-thua tio̍h kuè-khì
悲傷佮阮咧搬戲
pi-siong kah gún teh puann-hì
敢講這是你對阮的慈悲
kám-kóng tse sī lí tuì gún ê tsû-pi
人講苦戀的相思
lâng kóng khóo-luân ê siunn-si
世間上殘忍
sè-kan siōng tsân-jím
甘願用青春
kam-guān iōng tshing-tshun
看你的絕情
khuànn lí ê tsua̍t-tsîng

漸漸看你攏看袂清
tsiām-tsiām khuànn lí lóng khuànn buē tshing
毋願愛情變同情
m̄-guān ài-tsîng piàn tông-tsîng
漸漸了解
tsiām-tsiām liáu-kái
你看阮無愛的眼神
lí khuànn gún bô ài ê gán-sîn

偷偷將你當做是阮知己
thau-thau tsiong lí tòng-tsuè sī gún ti-kí
苦戀的心毋免你同意
khóo-luân ê sim m̄-bián lí tông-ì
毋驚人批評
m̄-kiann lâng phue-phîng
毋驚人笑阮
m̄-kiann lâng tshiò gún
戇甲變多情
gōng kah piàn to-tsîng

偷偷將你當做是阮知己
thau-thau tsiong lí tòng-tsuè sī gún ti-kí
當做你猶原踮阮身邊
tòng-tsuè lí iu-guân tiàm gún sin-pinn
啥人愛酒醉
siánn-lâng ài tsiú-tsuì
啥人愛傷悲
siánn-lâng ài siong-pi
一生毋敢講愛情
it-sing m̄-kánn kóng ài-tsîng