情海網中人

《情海網中人》Tsîng-hái Bāng-tiong Lâng
江蕙Kang Huī
——————————————
有人愛做夢
ū-lâng ài tsuè-bāng
有人醉茫茫
ū-lâng tsuì-bâng-bâng
有人悽悽慘慘
ū-lâng tshi-tshi-tshám-tshám
愛甲毋願放
ài kah m̄-guān pàng
兩人捒做堆
nn̄g-lâng sak-tsuè-tui
鬥陣一世人
tàu-tīn tsi̍t-sì-lâng
敢是最後的願望
kám-sī tsuè-āu ê guān-bāng

春花早慢萎
tshun-hue tsá-bān uí
辜負痴情漢
koo-hū tshi-tsîng-hàn
怎樣愛情哪會遮迷人
tsuánn-iūnn ài-tsîng ná ē tsiah bê-lâng
啊~奈何命鬆鬆
ah~ nāi-hô miā sang-sang
風吹心櫳櫳
hong tshue sim lang-lang
一生欲交待啥物人
it-sing beh kau thāi siánn-mih lâng

有人愛花芳
ū-lâng ài hue phang
有人看錢重
ū-lâng khuànn tsînn tāng
有人失戀
ū-lâng sit-luân
跋落悲傷的烏巷
pua̍h-lo̍h pi-siong ê oo-hāng
雖然看會開
sui-jiân khuànn ē khui
猶原會怨嘆
iu-guân ē uàn-thàn
身邊心內無仝人
sin-pinn sim-lāi bô-kāng lâng

多情會食虧
to-tsîng ē tsia̍h-khui
勸人莫做夢
khǹg lâng mài tsuè-bāng
阮也仝款情海網中人啊~
gún iā kāng-khuán tsîng-hái bāng-tiong lâng–ah~
奈何命遮鬆
nāi-hô miā tsiah sang
風吹心櫳櫳
hong tshue sim lang-lang
一生欲交待啥物人
it-sing beh kau-tāi siánn-mih lâng