思念彼个人

《思念彼个人》Su-liām Hit ê Lâng
江蕙Kang Huī
——————————————
心肝內思念的人
sim-kuann-lāi su-liām ê lâng
毋知去佗位
m̄-tsai khì tó-uī
自從離開阮身邊
tsū-tsiông lī-khui gún sin-pinn
已經過一年
í-king kè tsi̍t-nî
冷風陣陣吹
líng-hong tsūn-tsūn tshue
引阮心稀微
ín gún sim hi-bî
楓葉墜落地
hong-hio̍h tuī-lo̍h tē
看著心傷悲
khuànn tio̍h sim siong-pi

心肝內思念的人
sim-kuann-lāi su-liām ê lâng
毋通放袂記
m̄-thang pàng-buē-kì
早日轉來阮身邊
tsá-ji̍t tńg-lâi gún sin-pinn
佮阮來團圓
kah gún lâi thuân-înn

心肝內思念的人
sim-kuann-lāi su-liām ê lâng
怎樣過日子
tsuánn-iūnn kuè ji̍t-tsí
離開故鄉彼一暝
lī-khui kòo-hiong hit tsi̍t-mî
正是月當圓
tsiànn-sī ge̍h tng înn
聽著水流聲
thiann-tio̍h tsuí-lâu siann
引阮來想起
ín gún lâi siūnn-khí
黃昏日落西
hông-hun ji̍t lo̍h se
雙人在溪邊
siang-lâng tsāi khue-pinn

心肝內思念的人
sim-kuann-lāi su-liām ê lâng
毋通放袂記
m̄-thang pàng-buē-kì
早日轉來阮身邊
tsá-ji̍t tńg-lâi gún sin-pinn
佮阮來團圓
kah gún lâi thuân-înn