燈下戀情

《燈下戀情》Ting-hā Luân-tsîng
江蕙Kang Huī
——————————————
面前這杯燒酒
bīn-tsîng tsit pue sio-tsiú
照著阮的形影
tsiò tio̍h gún ê hîng-iánn
耳邊聽著一陣
hīnn-pinn thiann-tio̍h tsi̍t-tsūn
熟似的音樂聲
si̍k-sāi ê im-ga̍k-siann
予阮來想著
hōo gún lâi siūnn-tio̍h
較早彼首歌名
khah-tsá hit siú kua-miâ
淡暗的燈火跤
tām-àm ê ting-hué kha
雙人不時做陣聽
siang-lâng put-sî tsuè-tīn thiann

今日我變成孤單
kim-ji̍t guá piàn-sîng koo-tuann
啥人會知影
siánn-lâng ē tsai-iánn
阮的心無來變卦
gún ê sim bô lâi piàn-kuà
只有心痛疼
tsí-ū sim thàng-thiànn

面前的這杯燒酒
bīn-tsîng ê tsit pue sio-tsiú
照著孤單影
tsiò tio̍h koo-tuann iánn
親像咧同情著
tshin-tshiūnn teh tông-tsîng tio̍h
阮遮爾歹命
gún tsiah-nī pháinn-miā
運命天註定
ūn-miā thinn tsù-tiānn
欲來怨恨著啥
beh lâi uàn-hūn tio̍h siánn