媽媽歌星

《媽媽歌星》Ma-mah Kua-tshinn
江蕙 Kang Huī
——————————————
人若問
lâng nā mn̄g
你佮我兩人
lí kah guá nn̄g-lâng
到底啥關係
tàu-té siánn kuan-hē
介紹你是我小妹
kài-siāu lí sī guá sió-muē
毋敢講坦白
m̄-kánn kóng thán-pe̍h
雖然是一直掩崁
sui-jiân sī it-ti̍t am-khàm
心內感覺真難過
sim-lāi kám-kak tsin lân-kuè
因為我踮在歌壇
in-uī guá tiàm-tsāi kua-tuânn
最需要是歌迷
tsuè su-iàu sī kua-bê
人若知我有女兒
lâng nā tsai guá ū lú-jî
歲頭又遮濟
huè-thâu iū tsiah tsuē
恐驚可比秋天的落花
khióng-kiann khó-pí tshiu-thinn ê lo̍h-hue
名聲飄飄墜落地
miâ-siann phiau-phiau tuī-lo̍h tē

一切是環境
it-tshè sī khuân-kíng
來造成無聊的命運
lâi tsō-sîng bô-liâu ê miā-ūn
滿面的胭脂水粉
muá-bīn ê ian-tsi tsuí-hún
打扮當青春
tánn-pān tng-tshing-tshun
上舞台表演歌唱
tshiūnn bú-tâi piáu-ián kua-tshiùnn
引人迷魂笑文文
ín lâng bê-hûn tshiò bûn-bûn
因為我踮在歌壇
in-uī guá tiàm-tsāi kua-tuânn
靠藝術趁錢銀
khò gē-su̍t thàn tsînn-gûn
母囝來相依為命
bó-kiánn lâi siong-i uī-bīng
勞苦無議論
lô-khóo bô gī-lūn
那通怨嘆無情的郎君
ná thang uàn-thàn bô-tsîng ê lông-kun
每日心肝亂紛紛
muí-ji̍t sim-kuann luān hun-hun

興趣著唱歌來
hìng-tshù tio̍h tshiùnn-kua lâi
一唱已經十偌冬
tsi̍t tshiùnn í-king tsa̍p guā tang
親手來晟養女兒
tshin-tshiú lâi tshiânn-ióng lú-jî
毋願靠別人
m̄-guān khò pa̍t-lâng
薄情郎離開了後
po̍h-tsîng-lông lī-khui liáu-āu
將著愛情攏全放
tsiong tio̍h ài-tsîng lóng tsuân pàng
因為我踮在歌壇
in-uī guá tiàm-tsāi kua-tuânn
有能力再活動
ū lîng-li̍k tsài ua̍h-tāng
期待著美麗前程
kî-thāi tio̍h bí-lē tsiân-tîng
相信有好夢
siong-sìn ū hó-bāng
用心栽培女兒花清芳
iōng-sim tsai-puê lú-jî hue tshing-phang
是我一生的願望
sī guá it-sing ê guān-bāng