醉咖啡

《醉咖啡》Tsuì Ka-pi

王識賢Ông Sik-hiân

——————————————

風微微心也稀微

hong bî-bî sim iā hi-bî

鬧熱的夜都市

lāu-jia̍t ê iā-too-tshī

醉咖啡迷戀芳味

tsuì ka-pi bê-luân phang-bī

用阮的思念來啉

iōng gún ê su-liām lâi lim

放袂離嘛分袂開

pàng buē-lī mā hun buē-khui

過去點點滴滴

kuè-khì tiám-tiám-tih-tih

孤夜無伴

koo-iā bô-phuānn

風中女人的心

hong-tiong lú-jîn ê sim

踏入感情紛擾的世界

ta̍p-ji̍p kám-tsîng hun-jiáu ê sè-kài

絕望受傷害

tsua̍t-bāng siū siong-hāi

如今

jû-kim

你我無緣相疼痛

lí guá bô-iân sio thiànn-thàng

一生最愛的人

it-sing tsuè ài ê lâng

親像眼前閃爍的霓虹

tshin-tshiūnn gán-tsîng siám-sih ê nê-âng

淒涼美麗的夢

tshe-liâng bí-lē ê bāng

留無愛無靈魂的人

lâu bô ài bô lîng-hûn ê lâng

風中鬧熱夜都市

hong-tiong lāu-jia̍t iā-too-tshī

寂寞愛人的心

tsi̍k-bo̍k ài-jîn ê sim

愛情到底是啥物

ài-tsîng tàu-té sī siánn-mih

予阮性命空虛

hōo gún sìnn-miā khang-hi

醉咖啡摻著傷悲

tsuì ka-pi tsham tio̍h siong-pi

落喉才知滋味

lo̍h-âu tsiah tsai tsu-bī

啉一喙

lim tsi̍t-tshuì

原來苦澀是安慰

guân-lâi khóo-siap sī an-uì