蝴蝶飛

《蝴蝶飛》Ôo-tia̍p Pue

王識賢Ông Sik-hiân

——————————————

青山萬重溪

tshing-san bān-tiông khe

美麗好風景

bí-lē hó hong-kíng

熱戀的形影滿花欉

jia̍t-luân ê hîng-iánn muá hue-tsâng

予阮陪你慢慢飛

hōo gún puê lí bān-bān pue

無聲的情話

bô-siann ê tsîng-uē

甜入心肝底

tinn ji̍p sim-kuann-té

心愛的花芳免痴迷

sim-ài ê hue-phang bián tshi-bê

你想欲跳舞阮奉陪

lí siūnn-beh thiàu-bú gún hōng puê

蝴蝶飛

ôo-tia̍p pue

痴情戀愛夢

tshi-tsîng luân-ài bāng

做伙來度春夏秋冬

tsò-hué lâi tōo tshun-hā tshiu-tang

阮註定愛戀你一生

gún tsù-tiānn ài-luân lí it-sing

你我難分難離一世人

lí guá lân hun lân lî tsi̍t-sì-lâng

蝴蝶飛

ôo-tia̍p pue

痴情戀愛夢

tshi-tsîng luân-ài bāng

是永遠幸福的希望

sī íng-uán hīng-hok ê hi-bāng

咱緣份註定彼一工

lán iân-hūn tsù-tiānn hit tsi̍t-kang

親像蝴蝶戀花

tshin-tshiūnn ôo-tia̍p luân hue

花戀夢

hue luân bāng