老吉他

《老吉他》Lāu Gì-tah

王識賢Ông Sik-hiân

——————————————

身邊這支老吉他

sin-pinn tsit ki lāu gì-tah

自少年就綴到這馬

tsū siàu-liân tiō tuè kah tsit-má

雖然有淡薄仔落漆歹看

sui-jiân ū tām-po̍h-á lak-tshat pháinn-khuànn

聲音猶原遐爾好聽

siann-im iu-guân hiah-nī hó-thiann

身邊這个老翁婆

sin-pinn tsit ê lāu ang-pô

青春美麗漸漸仔無

tshing-tshun bí-lē tsiām-tsiām-á bô

鹹酸苦澀攏食透透

kiâm-sng-khóo-siap lóng tsia̍h thàu-thàu

講欲綴我綴到老

kóng beh tuè guá tuè kàu lāu

拍死無走

phah-sí bô tsáu

老吉他

lāu gì-tah

你是永遠的伴

lí sī íng-uán ê phuānn

無論閣較破閣較爛

bô-lūn koh-khah phuà koh-khah nuā

我嘛毋甘將你換

guá mā m̄-kam tsiong lí uānn

老翁婆

lāu ang-pô

你是我永遠的寶

lí sī guá íng-uán ê pó

你身體著愛顧予好

lí sin-thé tio̍h-ài kòo hōo hó

若無你

nā bô lí

我啥物攏無

guá siánn-mih lóng bô