永遠行鬥陣
《永遠行鬥陣》Íng-uán Kiânn Tàu-tīn
王識賢Ông Sik-hiân
——————————————
想起當初對你講的話
siūnn-khí tong-tshoo tuì lí kóng ê uē
你敢有囥咧你心肝內
lí kám ū khǹg teh lí sim-kuann-lāi
用阮的真心將你愛
iōng gún ê tsin-sim tsiong lí ài
欲創造幸福的將來
beh tshòng-tsō hīng-hok ê tsiong-lâi
佮你分開
kah lí hun-khui
一工過一工
tsi̍t-kang kuè tsi̍t-kang
繁華的都市
huân-huâ ê too-tshī
夜深雨水凍
iā tshim hōo-tsuí tàng
雖然是暫時分西東
sui-jiân sī tsiām-sî hun se-tang
我猶原也是
guá iu-guân iā-sī
愛你一人
ài lí tsi̍t-lâng
每一暗我唯一的夢
muí tsi̍t-àm guá uî-it ê bāng
佮我愛的人
kah guá ài ê lâng
思念過去
su-liām kuè-khì
甜蜜心茫茫
tinn-bi̍t sim bâng-bâng
上驚夢醒
siōng kiann bāng-tshínn
痴心變成空
tshi-sim piàn-sîng khang
多情的人心疼痛
to-tsîng ê lâng sim thiànn-thàng
我心內的思慕的人
guá sim-lāi ê su-bōo ê lâng
請用心等待
tshiánn iōng-sim tán-thāi
就欲相逢離別的車站
tiō-beh siong-hông lî-pia̍t ê tshia-tsām
用阮的心疼惜你的情
iōng gún ê sim thiànn-sioh lí ê tsîng
永永遠遠行鬥陣
íng-íng-uán-uán kiânn tàu-tīn