查埔人是烏咖啡
《查埔人是烏咖啡》Tsa-poo-lâng Sī Oo-ka-pi
王識賢Ông Sik-hiân
——————————————
查埔人是烏咖啡
tsa-poo-lâng sī oo-ka-pi
滲著酸苦甘甜
siàm tio̍h sng-khóo kam-tinn
含佇喙內的時
kâm tī tshuì-lāi ê sî
有單純的氣味
ū tan-sûn ê khì-bī
查埔人是烏咖啡
tsa-poo-lâng sī oo-ka-pi
予人歡喜傷悲
hōo-lâng huann-hí siong-pi
捏佇手內的時
tēnn tī tshiú-lāi ê sî
是堅持
sī kian-tshî
無愛放棄
bô-ài hòng-khì
你綴我行過千萬里
lí tuè guá kiânn kuè tshian-bān lí
若啉著無糖的烏咖啡
ná lim tio̍h bô-thn̂g ê oo-ka-pi
鼻著的未來有啥物
phīnn-tio̍h ê bī-lâi ū siánn-mih
有偌濟的勇氣
ū guā-tsuē ê ióng-khì
你綴我行過千萬里
lí tuè guá kiânn kuè tshian-bān lí
若啉著無糖的烏咖啡
ná lim tio̍h bô-thn̂g ê oo-ka-pi
吞落的滋味有啥物
thun–lo̍h ê tsu-bī ū siánn-mih
有頭前
ū thâu-tsîng
無過去
bô kuè-khì
