愛無留
《愛無留》Ài Bô Lâu
王識賢Ông Sik-hiân
——————————————
偏偏我對你情難消
phian-phian guá tuì lí tsîng lân siau
將你的愛鎖牢牢
tsiong lí ê ài só tiâu-tiâu
以為一生有你到老
í-uî it-sing ū lí kàu lāu
牽手做陣行甲透
khan-tshiú tsuè-tīn kiânn kah thàu
偏偏你對我情已了
phian-phian lí tuì guá tsîng í liáu
將阮的愛放水流
tsiong gún ê ài pàng tsuí lâu
無邊無岸的孤鳥
bo-pinn bô-huānn ê koo-tsiáu
親像傷情的心頭
tshin-tshiūnn siong-tsîng ê sim-thâu
怎樣你對我愛無留
tsuánn-iūnn lí tuì guá ài bô lâu
窗外風雨嘛為阮咧吼
thang-guā hong-hōo mā uī gún teh háu
傷心的歌
siong-sim ê kua
閣唱袂透
koh tshiùnn buē thàu
猶原戇戇
iu-guân gōng-gōng
為你咧等候
uī lí teh tán-hāu
怎樣你對我愛無留
tsuánn-iūnn lí tuì guá ài bô lâu
原來我是你愛情的借口
guân-lâi guá sī lí ài-tsîng ê tsioh-kháu
痴情的愛
tshi-tsîng ê ài
攏無計較
lóng bô kè-kàu
我猶原真心
guá iu-guân tsin-sim
祝福著你
tsiok-hok tio̍h lí
幸福快樂
hīng-hok khuài-lo̍k