愛你袂後悔
《愛你袂後悔》Ài Lí Buē Hiō-hué
王識賢Ông Sik-hiân
——————————————
為啥物你放阮一个
uī-siánn-mih lí pàng gún tsi̍t-ê
親像浮雲四界飛
tshin-tshiūnn phû-hûn sì-kè pue
風雨寒冷落了雪
hong-hōo hân-líng lo̍h liáu seh
一人孤單凍規暝
tsi̍t-lâng koo-tuann tàng kui-mê
倚踮你身邊有遮濟
uá tiàm lí sin-pinn ū tsiah tsuē
輕聲細語無阮的話
khin-siann-sè-gí bô gún ê uē
你講熟似
lí kóng si̍k-sāi
只是一个經過
tsí-sī tsi̍t-ê king-kuè
叫我千萬
kiò guá tshian-bān
毋通想想遮濟
m̄-thang siūnn-siūnn tsiah tsuē
到如今
kàu jû-kim
猶是袂來反悔
iáu-sī buē lâi huán-hué
猶是愛你一个
iáu-sī ài lí tsi̍t-ê
管伊性命是啥貨
kuán i sìnn-miā sī siánn-huè
就算山崩地裂
tiō-sǹg suann-pang tē-li̍h
挖心吐血
óo-sim thòo-hueh
攏嘛隨在你提
lóng-mā suî-tsāi lí the̍h
到如今
kàu jû-kim
猶是袂來反悔
iáu-sī buē lâi huán-hué
相信咱有愛過
siong-sìn lán ū ài–kuè
等甲阮的頭毛白
tán kah gún ê thâu-mn̂g pe̍h
痴情的心
tshi-tsîng ê sim
毋願隨風吹
m̄-guān suî hong tshue
猶原等你一人
iu-guân tán lí tsi̍t-lâng
永遠袂後悔
íng-uán buē hiō-hué