愛情銀行

《愛情銀行》Ài-tsîng Gîn-hâng

王中平Ông Tiong-pîng

——————————————

愛情銀行開一个戶

ài-tsîng gîn-hâng khui tsi̍t-ê hōo

我管印仔你管寄金簿

guá kuán ìn-á lí kuán kià-kim-phōo

一聲愛你儉一箍

tsi̍t-siann ài lí khiām tsi̍t-khoo

一點一滴鎖金庫

tsi̍t-tiám tsi̍t-tih só kim-khòo

無緣的人是上歹命

bô-iân ê lâng sī siōng pháinn-miā

感情負債家己來擔

kám-tsîng hū-tsè ka-kī lâi tann

有緣的人上好命

ū-iân ê lâng siōng hó-miā

感情收入滿滿滿

kám-tsîng siu-ji̍p muá-muá-muá

用青春來做投資

iōng tshing-tshun lâi tsuè tâu-tsu

用性命來做背書

iōng sìnn-miā lâi tsuè puē-su

我欲依倚你身邊

guá beh i-uá lí sin-pinn

牽手度過風風雨雨

khan-tshiú tōo-kuè hong-hong-ú-ú

陪你過春夏秋冬

puê lí kuè tshun-hā tshiu-tang

陪你做甜蜜的夢

puê lí tsuè tinn-bi̍t ê bāng

想欲寄託一世人

siūnn-beh kià-thok tsi̍t-sì-lâng

緊來愛情的銀行

kín lâi ài-tsîng ê gîn-hâng