冷風的暗暝

《冷風的暗暝》Líng-hong ê Àm-mî

王中平Ông Tiong-pîng

——————————————

冷風的暗暝

líng-hong ê àm-mî

我想你溫柔的形影

guá siūnn lí un-jiû ê hîng-iánn

行過一山過一山

kiânn kuè tsi̍t-suann kuè tsi̍t-suann

揣過一嶺閣一嶺

tshuē kuè tsi̍t-niá koh tsi̍t-niá

揣著你佮阮做伴

tshuē-tio̍h lí kah gún tsuè-phuānn

對阮的關懷

tuì gún ê kuan-huâi

像春風鑽入阮心內

tshiūnn tshun-hong tsǹg-ji̍p gún sim-lāi

自從佮你來熟似

tsū-tsiông kah lí lâi si̍k-sāi

深深感受你的愛

tshim-tshim kám-siū lí ê ài

阮的愛只予你了解

gún ê ài tsí hōo lí liáu-kái

風風雨雨的世界

hong-hong-ú-ú ê sè-kài

鹹鹹甜甜

kiâm-kiâm tinn-tinn

冷冷暖暖

líng-líng luán-luán

我攏知

guá lóng tsai

只要阮心內有你的愛

tsí-iàu gún sim-lāi ū lí ê ài

阮期待未來的未來

gún kî-thāi bī lâi ê bī-lâi