今夜無伴

《今夜無伴》Kim-iā Bô-phuānn
江蕙Kang Huī
——————————————
夢遐爾濟
bāng hiah-nī tsuē
愈夢愈痴迷
jú bāng jú tshi-bê
佗一个是真
tó tsi̍t-ê sī tsin
佗一个是假
tó tsi̍t-ê sī ké
情路遐爾狹
tsîng-lōo hiah-nī e̍h
愈閃愈袂得過
jú siám jú buē-tit kuè
緣盡總是註定別人的
iân tsīn tsóng-sī tsù-tiānn pa̍t-lâng–ê

人生在世
jîn-sing tsāi-sè
愈嫌愈怨慼
jú hiâm jú uàn-tsheh
情若深轉薄
tsîng nā tshim tsuán po̍h
金石盟上短
kim-tsio̍h-bîng siōng té
悲歡若浮雲
pi-huan ná phû-hûn
轉身又是黃昏
tsuán-sin iū sī hông-hun
不如一切隨風吹
put-jû it-tshè suî hong tshue

請你毋通問我
tshiánn lí m̄-thang mn̄g guá
是毋是需要一个伴
sī-m̄-sī su-iàu tsi̍t-ê phuānn
孤孤單單嘛是生活
koo-koo-tuann-tuann mā sī sing-ua̍h
毋免驚會心疼
m̄-bián kiann ē sim thiànn
往事一山過一山
óng-sū tsi̍t-suann kuè tsi̍t-suann
浮雲已經飛去黃昏外
phû-hûn í-king pue khì hông-hun guā
雖然無伴
sui-jiân bô phuānn
今夜毋免心疼
kim-iā m̄-bián sim thiànn