風塵淚

《風塵淚》Hong-tîn-luī
江蕙 Kang Huī
——————————————
討厭虛華的世間
thó-ià hi-hua ê sè-kan
想欲跳出苦海
siūnn-bueh thiàu tshut khóo-hái
無疑家庭的生活
bô-gî ka-tîng ê sing-ua̍h
倚靠阮的身上來
uá-khò gún ê sin-siōng lâi

拋棄性命等待
phau-khì sìnn-miā tán-thāi
再墜落風塵代
tsài tuī-lo̍h hong-tîn tāi
啊~環境逼阮
ah~ khuân-kíng pik gún
痛苦強忍耐
thòng-khóo kiông jím-nāi

生在冷暖的世間
sinn tsāi líng-luán ê sè-kan
自我安慰關懷
tsū-ngóo an-uì kuan-huâi
無疑春去秋又來
bô-gî tshun khì tshiu iū lâi
耽誤著青春時代
tam-gōo tio̍h tshing-tshun sî-tāi

莫非這是天安排
bo̍k-hui tse sī thinn an-pâi
才淪落風塵代
tsiah lûn-lo̍h hong-tîn tāi
啊~傷心目屎
ah~ siong-sim ba̍k-sái
吞落在心內
thun lo̍h tsāi sim-lāi