酒後的心聲

《酒後的心聲》Tsiú Āu ê Sim-siann
江蕙 Kang Huī
—————————–
山盟海誓
san-bîng-hái-sè
咱兩人有咒誓
lán nn̄g-lâng ū tsiù-tsuā
為怎樣你
uī tsuánn-iūnn lí
偏偏來變卦
phian-phian lâi piàn-kuà
我想袂曉
guá siūnn buē-hiáu
你哪會遮虛華
lí ná ē tsiah hi-hua
欺騙了我 刺激著我
khi-phiàn liáu guá, tshì-kik tio̍h guá
.
石頭會爛
tsio̍h-thâu ē nuā
請你愛相信我
tshiánn lí ài siong-sìn guá
最後的結果
tsuè-āu ê kiat-kó
也是無較縒
iā-sī bô-khah-tsua̍h
.
凝心毋驚酒厚
gîng-sim m̄-kiann tsiú kāu
雄雄一喙啉予焦
hiông-hiông tsi̍t-tshuì lim hōo ta
上好醉死 莫閣活
siōng-hó tsuì sí, mài koh ua̍h
.
啊~ 我無醉 我無醉 無醉
ah~ guá bô tsuì, guá bô tsuì, bô tsuì
請你毋免同情我
tshiánn lí m̄-bián tông-tsîng guá
酒若落喉 疼入心肝
tsiú nā lo̍h-âu, thiànn ji̍p sim-kuann
.
傷心的傷心的我
siong-sim ê, siong-sim ê guá
心情無人會知影
sim-tsîng bô-lâng ē tsai-iánn
只有燒酒了解我
tsí-ū sio-tsiú liáu-kái guá