熟似愛

《熟似愛》Si̍k-sāi Ài
江蕙Kang Huī
——————————————
誠久毋捌
tsiânn kú m̄-bat
佮家己面對面
kah ka-kī bīn-tuì-bīn
將心事抾予清
tsiong sim-sū khioh hōo tshing
真濟抾著
tsin tsuē khioh-tio̍h
閣拍毋見的記持
koh pháng-kiàn ê kì-tî
到這馬猶未整理
kàu tsit-má iáu-buē tsíng-lí

誠久毋捌
tsiânn kú m̄-bat
佮朋友關心啦
kah pîng-iú kuan-sim–lah
敢有人來做伴
kám ū-lâng lâi tsuè-phuānn
真濟眼神佮表情
tsin tsuē gán-sîn kah piáu-tsîng
真生份
tsin tshinn-hūn
欲如何向家己解說
beh jû-hô hiòng ka-kī kái-sueh

從來毋知
tsiông-lâi m̄-tsai
愛情應該何去何從
ài-tsîng ìng-kai hô-khì hô-tsiông
才知影我是孤單
tsiah tsai-iánn guá sī koo-tuann
無人愛的彼一種
bô-lâng ài ê hit tsi̍t-tsióng

予我閣再熟似愛
hōo guá koh-tsài si̍k-sāi ài
重新閣愛一擺
tiông-sin koh ài tsi̍t-pái
無需要太濟感慨
bô su-iàu thài tsuē kám-khài
一點點仔無奈
tsi̍t-tiám-tiám-á bô-nāi

予我閣再熟似愛
hōo guá koh-tsài si̍k-sāi ài
重新閣愛一擺
tiông-sin koh ài tsi̍t-pái
對人生更加了解
tuì jîn-sing kìng-ka liáu-kái
袂閣流目屎
buē koh lâu ba̍k-sái