烏咖啡
《烏咖啡》Oo Ka-pi
江蕙Kang Huī
——————————————
又閣行到咱上愛的咖啡廳
iū-koh kiânn kàu lán siōng ài ê ka-pi-thiann
又閣聽著咱上愛的彼首歌
iū-koh thiann tio̍h lán siōng ài ê hit siú kua
身邊空無人
sin-pinn khang bô lâng
心情空無望
sim-tsîng khang bô bāng
淡薄仔酸
tām-po̍h-á sng
淡薄仔苦
tām-po̍h-á khóo
淡薄仔疼
tām-po̍h-á thiànn
又閣坐佇咱上愛的彼个位
iū-koh tsē tī lán siōng ài ê hit ê uī
又閣面對咱上愛的窗仔邊
iū-koh bīn-tuì lán siōng ài ê thang-á-pinn
有人問起我
ū-lâng mn̄g khí guá
哪會一个人
ná-ē tsi̍t-ê lâng
淡薄仔酸
tām-po̍h-á sng
淡薄仔苦
tām-po̍h-á khóo
淡薄仔疼
tām-po̍h-á thiànn
點一杯你慣勢的烏咖啡
tiám tsi̍t pue lí kuàn-sī ê oo ka-pi
啉一喙無摻糖的我想你
lim tsi̍t tshuì bô tsham thn̂g ê guá-siūnn-lí
加一分鐘
ke tsi̍t hun-tsing
添一分痴
thiam tsi̍t hun tshi
一場愛佮恨無輸無贏的觸纏
tsi̍t tiûnn ài kah hūn bô-su bô-iânn ê tak-tînn
捀一杯你慣勢的烏咖啡
phâng tsi̍t pue lí kuàn-sī ê oo ka-pi
啉一喙有緣無份的勇氣
lim tsi̍t tshuì ū-iân bô-hūn ê ióng-khì
你無交代
lí bô kau-tāi
來離開
lâi lī-khui
這場戲
tsit tiûnn hì
若欲煞
nā beh suah
佇當時
tī tang-sî
