為君愁

《為君愁》Uī Kun Tshiû

朱海君Tsu Hái-kun

——————————————

月娘半邊暗

gue̍h-niû puànn-pinn àm

施妝傍樓窗

si-tsng pōng lâu-thang

白玉杯瓊酒芳

pe̍h-gio̍k pue khîng-tsiú phang

等君更深露澹

tán kun kinn tshim lōo tâm

琴聲惹幽怨

khîm-siann jiá iu-uàn

雲煙如舊夢

hûn-ian jû kū-bāng

鏡臺愁

kiànn-tâi tshiû

掩門縫

iám mn̄g-phāng

風燈孤影淚空房

hong-ting koo-iánn luī khang-pâng

青春無永遠

tshing-tshun bô íng-uán

花無百日紅

hue bô pah-ji̍t âng

勸君疼惜痴情人

khǹg kun thiànn-sioh tshi-tsîng-lâng

溫柔心思戀

un-jiû sim su-luân

年來過秋冬

nî lâi kuè tshiu-tang

為君苦守當初的願望

uī kun khóo-siú tong-tshoo ê guān-bāng

青春無永遠

tshing-tshun bô íng-uán

花無百日紅

hue bô pah-ji̍t âng

勸君疼惜痴情人

khǹg kun thiànn-sioh tshin-tsîng-lâng

冷夜猶原酸澀

líng-iā iû-guân sng-siap

斷腸歌淒涼

tuān-tn̂g kua tshe-liâng

愛恨天涯為君茫

ài-hūn thian-gâi uī kun bâng