探戈跳袂煞

《探戈跳袂煞》Thàng-gò Thiàu Buē Suah

朱海君Tsu Hái-kun

——————————————

霓虹燈閃爍的城市

nî-hông-ting siám-sih ê siânn-tshī

有情人到底佇佗位

ū-tsîng-lâng tàu-té tī tó-uī

為啥物我為你

uī-siánn-mih guá uī lí

守著夜孤單

siú tio̍h iā koo-tuann

愛河揣無人來伴

ài-hô tshuē-bô lâng lâi phuānn

酒場內走味的歌聲

tsiú-tiûnn lāi tsáu-bī ê kua-siann

變調的舞步胡亂踏

piàn-tiāu ê bú-pōo ôo-luān ta̍h

失落情摻燒酒

sit-lo̍h tsîng tsham sio-tsiú

一喙一喙焦

tsi̍t-tshuì-tsi̍t-tshuì ta

麻痺思念的心啦

bâ-pī su-liām ê sim–lah

酒醉的探戈探戈

tsiú-tsuì ê thàng-gò thàng-gò

揣無倚靠

tshuē-bô uá-khò

一段傷心的探戈

tsi̍t-tuānn siong-sim ê thàng-gò

愛一个人哪會遮拖磨

ài tsi̍t-ê lâng ná ē tsiah thua-buâ

我就是看袂破

guá tiō-sī khuànn buē phuà

阿娜答愛我愛我

a-ná-tah ài guá ài guá

攏是虛華

lóng-sī hi-hua

醉死嘛無人通扞

tsuì sí mā bô-lâng thang huānn

虛情的

hi-tsîng–ê

假愛的

ké-ài–ê

一大攤

tsi̍t-tuā-thuann

探戈跳袂煞

thàng-gò thiàu buē suah