飛佇風中的小雨

《飛佇風中的小雨》Pue Tī Hong-tiong ê Sió-hōo
伍佰 Gōo-pah
——————————————
飛佇風中的小雨
pue tī hong-tiong ê sió-hōo
夜夜佇我的窗前
iā-iā tī guá ê thang-tsîng
怨這條愛情路
uàn tsit tiâu ài-tsîng lōo
敢是烏雲起怨妒
kám-sī oo-hûn khí uàn-tòo
將阮月娘的目屎
tsiong gún gue̍h-niû ê ba̍k-sái
吹冷冷的風
tshue líng-líng ê hong

彼時佮你有約束
hit-sî kah lí ū iok-sok
佇我倒轉來彼時
tī guá tò-tńg–lâi hit-sî
你會佇我身邊
lí ē tī guá sin-pinn
哪知日子做伊去
ná tsai ji̍t-tsí tsuè i khì
我猶原毋捌轉來
guá iu-guân m̄-bat tńg-lâi
你毋知佇佗位
lí m̄-tsai tī tó-uī

誓言只是談愛的話
sè-giân tsí-sī tâm-ài ê uē
毋管你相信抑無
m̄-kuán lí siong-sìn ia̍h bô
這代表我愛你
tse tāi-piáu guá ài lí

愛情總是甜甜蜜蜜
ài-tsîng tsóng–sī tinn-tinn bi̍t-bi̍t
足濟真戇的代誌
tsiok tsuē tsin gōng ê tāi-tsì
攏發生佇熱戀的時
lóng huat-sing tī jia̍t-luân ê sî

飛佇風中的小雨
pue tī hong-tiong ê sió-hōo
請問你敢有看見
tshiánn-mn̄g lí kám ū khuànn-kìnn
我思戀彼的伊
guá su-luân hit ê i
請你幫我訴情意
tshiánn lí pang guá sòo tsîng-ì
講我佇遠遠的所在
kóng guá tī hn̄g-hn̄g ê sóo-tsāi
猶原愛你
iu-guân ài lí