小姐免驚

《小姐免驚》Sió-tsiá Bián Kiann
伍佰Gōo-pah
———————————

頭前的小姐實在生做足幼齒
thâu-tsîng ê sió-tsiá si̍t-tsāi senn-tsò tsiok iù-khí
皮肉粉粉又閣點胭脂
phuê-bah hún-hún iū-koh tiám ian-tsi
行路實在有影足有味
kiânn-lōo si̍t-tsāi ū-iánn tsiok ū bī
搖來搖去看著心花開
iô-lâi iô-khì khuànn-tio̍h sim-hue khui

頭前的小姐實在大方閣伶俐
thâu-tsîng ê sió-tsiá si̍t-tsāi tāi-hong koh líng-lī
頭毛烏金又閣有芳味
thâu-mn̂g oo-kim iū-koh ū phang-bī
紅紅的喙脣佮白白的喙齒
âng-âng ê tshuì-tûn kah pe̍h-pe̍h ê tshuì-khí
看來看去猶是你上媠
khuànn-lâi khuànn-khì iáu-sī lí siōng suí

小姐小姐請你毋免驚
sió-tsiá sió-tsiá tshiánn lí m̄-bián kiann
我毋是人咧講的彼款鱸鰻
guá m̄-sī lâng leh kóng ê hit khuán lôo-muâ
平常時雖然我真愛臭彈
pîng-siông-sî sui-jiân guá tsin-ài tshàu-tuānn
看著美麗姑娘我攏毋知欲按怎
khuànn-tio̍h bí-lē koo-niû guá lóng m̄-tsai beh án-tsuánn

雖然我冊是讀無偌濟
sui-jiân guá tsheh sī tha̍k bô guā-tsē
人生到這馬嘛二三十歲
jîn-sing kàu tsit-má mā jī-sann-tsa̍p huè
毋過我是一个善良的老百姓
m̄-koh guá sī tsi̍t-ê siān-liông ê lāu-peh-sènn
啉酒了後我嘛袂烏白花
lim-tsiú liáu-āu guá mā bē oo-pe̍h hue