勝者為王

《勝者為王》Sìng–tsiá Uî Ông
王識賢 Ông Sik-hiân
——————————————
勝者為王
sìng–tsiá uî ông
莫講失敗是英雄
mài-kóng sit-pāi sī ing-hiông
虎落平陽
hóo lo̍h pîng-iông
也有機會會成功
iā ū ki-huē ē sîng-kong
勝敗無常
sìng pāi bû-siông
可比起落的太陽
khó-pí khí-lo̍h ê thài-iông
再現江湖
tsài hiān kang-ôo
掀起恩怨的波浪
hian khí un-uàn ê pho-lōng

踮在這的紛亂的世界
tiàm-tsāi tsit ê hun-luān ê sè-kài
佮人咧輸贏
kah lâng teh su-iânn
每一个暗淡的深夜
muí tsi̍t-ê àm-tām ê tshim-iā
有啥人看見我的孤單
ū siánn-lâng khuànn-kìnn guá ê koo-tuann

啊~ 飄浪的生活
ah~ phiau-lōng ê sing-ua̍h
賭強的性命
tóo-kiông ê sìnn-miā
掩崁著心內的驚惶
am-khàm tio̍h sim-lāi ê kiann-hiânn
烏暗的社會
oo-àm ê siā-huē
無情的捙拚
bô-tsîng ê tshia-piànn
失去了正義的名
sit-khì liáu tsìng-gī ê miâ

錯亂的是非
tshò-luān ê sū-hui
少年的衝碰
siàu-liân ê tshóng-pōng
違背了阮的理想
uî-puē liáu gún ê lí-sióng
知影讓步的
tsai-iánn niū-pōo–ê
才是英雄
tsiah-sī ing-hiông
勝者為王
sìng–tsiá uî ông