男性苦戀

《男性苦戀》Lâm-sìng Khóo-luân
文夏Bûn Hā
——————————————
一切的美夢
it-tshè ê bí-bāng
若欲當做是眠夢
nā beh tòng-tsò sī bîn-bāng
為何過數年
uī-hô kuè sòo-nî
怎會閣來夢起你
tsuánn ē koh lâi bāng khí lí
今夜在房內
kim-iā tsāi pâng-lāi
又是想著你形影
iū sī siūnn-tio̍h lí hîng-iánn
浮在阮目前
phû tsāi gún ba̍k-tsiân
啊~男兒的苦戀
ah~ lâm-jî ê khóo luân

花紅的喙脣
hue-âng ê tshuì-tûn
含淚可愛的目睭
kâm-luī khó-ài ê ba̍k-tsiu
予阮再想起
hōo gún tsài siūnn-khí
永遠不回的戀夢
íng-uán put huê ê luân-bāng
無聊的長暝
bô-liâu ê tn̂g mî
憂愁一夜過一夜
iu-tshiû tsi̍t-iā kuè tsi̍t-iā
流落的目屎
lâu–lo̍h ê ba̍k-sái
啊~也是為著你
ah~ iā-sī uī-tio̍h lí

快樂的彼時
khuài-lo̍k ê hit-sî
過了今日賰悲哀
kuè-liáu kim-ji̍t tshun pi-ai
世間的歹命
sè-kan ê pháinn-miā
親像全部歸在我
tshin-tshiūnn tsuân-pōo kui tsāi guá
只有來抱著
tsí-ū lâi phāu tio̍h
彼日初戀的美夢
hit-ji̍t tshoo-luân ê bí-bāng
來過我一生
lâi kuè guá it-sing
啊~可憐青春夢
ah~ khó-liân tshing-tshun bāng