湖畔夜雨

《湖畔夜雨》Oô-puān Iā-ú

文夏Bûn-hā

——————————————

黃昏時來湖邊

hông-hun sî lâi ôo-pinn

小雨落袂離

sió-hōo lo̍h bē-lī

抱起著悲哀的心

phō khí tio̍h pi-ai ê sim

孤單在徘徊

koo-tuann tsāi pâi-huê

看起對面一个

khuànn khí tuì-bīn tsi̍t-ê

遮著雨傘親像伊的人

jia tio̍h hōo-suànn tshin-tshiūnn i ê lâng

那看那親像伊

ná khuànn ná tshin-tshiūnn i

那看那親像伊

ná khuànn ná tshin-tshiūnn i

可愛的人影

khó-ài ê lâng-iánn

夜半的房間內

iā-puànn ê pâng-king lāi

只有阮一个

tsí-ū gún tsi̍t-ê

聽起著夜鶯啼哭

thiann khí tio̍h iā-ing thî-khàu

睏也睏袂去

khùn iā khùn bē khì

難忘伊的形影

lân-bōng i ê hîng-iánn

浮在目前引我心悲哀

phû tsāi ba̍k-tsîng ín guá sim pi-ai

目屎又閣流落

ba̍k-sái iū-koh lâu–lo̍h

目屎又閣流落

ba̍k-sái iū-koh lâu–lo̍h

湖畔的暗暝

ôo-puān ê àm-mî

你敢是講欲來

lí kám-sī kóng beh lâi

怎會攏無來

tsuánn ē lóng bô lâi

等你的無聊暗暝

tán lí ê bô-liâu àm-mî

一夜過一夜

tsi̍t-iā kè tsi̍t-iā

深夜湖畔窗邊

tshim-iā ôo-puān thang-pinn

夜風淒冷自恨暗傷悲

iā-hong tshe-líng tsū hūn àm siong-pi

今夜吉他的聲

kim-iā gì-tah ê siann

今夜吉他的聲

kim-iā gì-tah ê siann

奏出斷腸詩

tsàu tshut tuān-tiông-si