故鄉的小姐

《故鄉的小姐》Kòo-hiong ê Sió-tsiá

文夏Bûn-hā

——————————————

山跤的彼爿就是

suann-kha ê hit pîng tsiū-sī

我咧思念的故鄉

guá teh su-liām ê kòo-hiong

心愛的彼个小姐

sim-ài ê hit ê sió-tsiá

毋知佇佗位

m̄-tsai tī tó-uī

欸~心愛的人

eh~ sim-ài ê lâng

我一定會來娶你

guá it-tīng ē lâi tshuā lí

我一定會來娶你的

guá it-tīng ē lâi tshuā lí ê

請你愛等我

tshiánn lí ài tán guá

我佮你離開彼時

guá kah lí lī-khui hit-sî

也是罩霧的暗暝

iā-sī tà-bū ê àm-mî

想起你傷心目屎

siūnn-khí lí siong-sim ba̍k-sái

予我心艱苦

hōo guá sim kan-khóo

欸~心愛的人

eh~ sim-ài ê lâng

我一定會來娶你

guá it-tīng ē lâi tshuā lí

我一定會來娶你的

guá it-tīng ē lâi tshuā lí ê

請你愛等我

tshiánn lí ài tán guá

無伴的孤單流浪

bô-phuānn ê koo-tuann liû-lōng

加添我的心稀微

ka-thiam guá ê sim hi-bî

趕緊欲佮你相會

kuánn-kín beh kah lí siong-huē

兩步做一步

nn̄g-pōo tsò tsi̍t-pōo

欸~心愛的人

eh~ sim-ài ê lâng

我一定會來娶你

guá it-tīng ē lâi tshuā lí

我一定會來娶你的

guá it-tīng ē lâi tshuā lí ê

請你愛等我

tshiánn lí ài tán guá