文雅灣梭羅

《文雅灣梭羅》Bûn-ngá-uan So-lô
文夏Bûn-hā
——————————————
文雅灣梭羅
Bûn-ngá-uan So-lô
流水真美麗
lâu-tsuí tsin bí-lē
照著一群的小姑娘
tsiò tio̍h tsi̍t-kûn ê sió-koo-niû
遊水的人影
iû-tsuí ê lâng-iánn
文雅灣梭羅梭羅梭
Bûn-ngá-uan So-lô So-lô–so
梭羅梭羅梭羅梭羅梭羅
So-lô So-lô So-lô So-lô So-lô
南國的姑娘真美麗
lâm-kok ê koo-niû tsin bí-lē
你敢是來佮我欲?迌
lí kám-sī lâi kah guá beh tshit-thô
踮無人看見的所在
tiàm bô-lâng khuànn-kìnn ê sóo-tsāi
椰子樹跤咧佮你相會
iâ-tsí-tshiū kha leh kah lí siong-huē
甘蜜予我唚一下
kam-bi̍t hōo guá tsim–tsi̍t-ē
啊啦你也免歹勢哎嘢嘢
ah-lah lí iā bián pháinn-sè aih-iah-iah
文雅灣梭羅梭羅梭
Bûn-ngá-uan So-lô So-lô–so
天頂的日頭看著咱兩个
thinn-tíng ê ji̍t-thâu khuànn-tio̍h lán nn̄g ê

文雅灣梭羅
Bûn-ngá-uan So-lô
月娘浮在天
ge̍h-niû phû tsāi thinn
流水悠悠流也袂盡
lâu-tsuí iu-iu lâu iā bē-tsīn
優美的暗暝
iu-bí ê àm-mî
文雅灣梭羅梭羅梭
Bûn-ngá-uan So-lô So-lô–so
梭羅梭羅梭羅梭羅梭羅
So-lô So-lô So-lô So-lô So-lô
南國的姑娘真鮮美
lâm-kok ê koo-niû tsin sian-bí
伊的衫伊的裙真迷人
i ê sann i ê kûn tsin bê-lâng
南國的熱情的暗暝
lâm-kok ê jia̍t-tsîng ê àm-mî
踮在海邊佮你來跳舞
tiàm-tsāi hái-pinn kah lí lâi thiàu-bú
快樂做伴跳一下
khuài-lo̍k tsò-phuānn thiàu–tsi̍t-ē
啊啦你也真歡喜謼謼謼
ah-lah lí iā tsin huann-hí hooh-hooh-hooh
文雅灣梭羅梭羅梭
Bûn-ngá-uan So-lô So-lô–so
年青的時代永遠不回來
nî-tshing ê sî-tāi íng-uán put huê-lâi