快車小姐

《快車小姐》Khuài-tshia Sió-tsiá
文夏Bûn Hā
—————————————-

我就是青春的快車的小姐
guá tsiū-sī tshing-tshun ê khuài-tshia ê sió-tsiá
無論是風颱抑是落雨天
bô-lūn sī hong-thai ia̍h-sī lo̍h-hōo-thinn
逐早起坐火車為人來服務
ta̍k tsái-khí tsē hué-tshia uī lâng lâi ho̍k-bū
輕鬆來唱出著甘蜜的歌聲
khin-sang lâi tshiùnn-tshut-tio̍h kam-bi̍t ê kua-siann

遠遠的彼爿是農村的厝頂
hn̄g-hn̄g ê hit-pîng sī lông-tshuan ê tshù-tíng
近近的這爿是繁華的街市
kīn-kīn ê tsit-pîng sī huân-huâ ê ke-tshī
看彼爿看這爿真正有趣味
khuànn hit-pîng khuànn tsit-pîng tsin-tsiànn ū tshù-bī
無意中火車也走到幾十里
bô-ì-tiong hué-tshia iā tsáu kàu kuí tsa̍p lí

甲車的一號是學生的人客
kah-tshia ê it-hō sī ha̍k-sing ê lâng-kheh
乙車的二號是親像生理人
it-tshia ê jī-hō sī tshin-tshiūnn sing-lí-lâng
丙車的三號是新婚的一對
piánn-tshia ê sann-hō sī sin-hun ê tsi̍t-tuì
丁車的四號是我的彼个人
ting-tshia ê sì-hō sī guá ê hit-ê lâng

台北若出發了就是新竹站
Tâi-pak nā tshut-huat liáu tsiū-sī Sin-tik-tsām
新竹的過去是彼个台中站
Sin-tik ê kuè-khì sī hit-ê Tâi-tiong-tsām
台中來食中晝就欲去台南
Tâi-tiong lâi tsia̍h tiong-tàu tsiū beh khì Tâi-lâm
火車若到高雄阮就欲出嫁
hué-tshia nā kàu Ko-hiông gún tsiū beh tshut-kè