假情假愛

https://www.youtube.com/watch?v=K2cZv3y8L_s

《假情假愛》Ké-tsîng Ké-ài
文夏Bûn Hā
——————————————
男性一條性命
lâm-sìng tsi̍t-tiâu sìnn-miā
親像掛在一條線
tshin-tshiūnn kuà tsāi tsi̍t-tiâu suànn
為前途立志成名
uī tsiân-tôo li̍p-tsì sîng-miâ
為著愛情賭性命
uī tio̍h ài-tsîng tóo sìnn-miā
浮世的假情假愛
hû-sè ê ké-tsîng ké-ài
浮世的假情假愛
hû-sè ê ké-tsîng ké-ài
輪轉到何時
lián-tsuân kàu hô-sî

總是也有一日
tsóng-sī iā ū-tsi̍t-ji̍t
人人都會歸西天
lâng-lâng to ē kui se-thian
今朝的你若名花
kim-tiau ê lí ná bîng-hue
也是難免黃毀去
iā-sī lân-bián n̂g-huí–khì
毋免吼無情的人
m̄-bián háu bô-tsîng ê lâng
毋免吼無情的人
m̄-bián háu bô-tsîng ê lâng
明日在目前
bîng-ji̍t tsāi ba̍k tsîng

男性靠有志氣
lâm-sìng khò ū tsì-khì
有情有義是女兒
ū-tsîng ū-gī sī lú-jî
若會得照人心願
nā ē-tit tsiàu lâng sim-guān
若會拋棄做男兒
nā ē pha-khì tsuè lâm-jî
我也會為情賭命
guá iā ē uī tsîng tóo miā
我也會為情賭命
guá iā ē uī tsîng tóo miā
為情欲到死
uī tsîng beh kàu sí