盲女尋父三千里
《盲女尋父三千里》Bông-lú Sîm Hū Sam-tshian Lí
尤雅Iû Ngá
——————————————
思念著心愛爸爸
su-liām tio̍h sim-ài pá-pah
阮又強欲哭出來
gún iū kiōng-bueh khàu–tshut-lâi
雖然阮目睭失明
sui-jiân gún ba̍k-tsiu sit-bîng
毋願露出心悲哀
m̄-guān lōo-tshut sim pi-ai
為怎樣今日
uī tsánn-iūnn kim-ji̍t
阮也出來流浪走東西
gún iā tshut-lâi liû-lōng tsáu tang-sai
啊~爸爸唷
ah~ pá-pah–iooh
爸爸唷你到底
pá-pah–iooh lí tàu-tué
在海角抑是天涯
tsāi hái-kak ia̍h-sī thian-gâi
走揣著心愛爸爸
tsáu-tshē tio̍h sim-ài pá-pah
忍著傷心的珠淚
jím tio̍h siong-sim ê tsu-luī
雖然阮受風受雨
sui-jiân gún siū-hong siū-hōo
已經揣來到這位
í-king tshē lâi-kàu tsit uī
想袂到人海茫茫
siūnn buē kàu jîn-hái bông-bông
毋知何時會做堆
m̄-tsai hô-sî ē tsuè-tui
啊~爸爸唷
ah~ pá-pah–iooh
爸爸唷你到底
pá-pah–iooh lí tàu-tué
在海角抑是天涯
tsāi hái-kak ia̍h-sī thian-gâi
想起著心愛爸爸
siūnn-khí tio̍h sim-ài pá-pah
對阮體貼佮溫柔
tuì gún thé-thiap kah un-jiû
阮也是毋願予伊
gún iā-sī m̄-guān hōo i
為阮一人來擔憂
uī gún tsi̍t-lâng lâi tam-iu
真無疑阮會
tsin bô-gî gún ē
顛倒為伊一人添憂愁
tian-tò uī i tsi̍t-lâng thiam iu-tshiû
啊~爸爸唷
ah~ pá-pah–iooh
爸爸唷你到底
pá-pah–iooh lí tàu-tué
在海角抑是天涯
tsāi hái-kak ia̍h-sī thian-gâi
