臺灣俗諺介紹

俗諺紹介

壹、定義

台灣俚諺：台語的成語、歇後語(是一種詞彙的謎語)、諺語等。俗諺俚語，是人類智慧，佮生活經驗所得的簡練精闢短語，伊反映了一个時代佮民族的生活觀照、感受、智慧佮經驗。

俗語是古早人所講的話，嘛是咱的祖先，從實際的生活當中，遠觀天文、地理、萬物，近看人生百態，感悟著所講出來的話，歷經代代口耳相傳，所留落來的生活話語，伊有啟發、諷刺、(khau)洗兼教育性，是上值得咱去探討的語言文化，咱從學習俗語當中，會當慢慢來發現，咱的祖先是按怎佇過去的困境中勤儉奮鬥拍拚過來，佇遮閣會當體悟出人生的真濟哲理，藉這个機緣來掌握今後為人處世的方針，「台灣俗語」因為咱近代的少年輩較袂曉台語，嘛真少佇咧講，所以講：咱若無定定閣提起來餾(liü)，是會沓沓仔去予消失掉。

歇後語：台灣孽譎仔話(歇後語)有人共伊號做「孽畜仔話」、「孽仔」話，是俗語的一種。伊是利用文法上「歇後法」，所造出來的語句，共真正欲講的話，刁故意藏起來，無愛明講，予人按前句的意思，抑是從相近的語音，去推測、去臆出欲愛的答案，這就等於話干但講一半，後面精彩的，留一个予聽的人有「推想的空間」，目的是欲製造輕鬆活潑的氣氛，予逐家笑，歡喜就好。相對佇成語、諺語來講，用字比較通俗、口語化，富有鮮明、生動、活潑的特點，有時語帶雙關，更添幾分幽默，毋才較容易引起人的興趣。咱除了共歇後語看作一種文字遊戲以外，嘛會當從歇後語看出咱的生活文化佇取材不盡相仝。

◎阿媽生查某囝→生姑(發霉)

◎幼稚園招生→老不收(老不修)

 

貳、俗諺的要件

◎來源：是大眾對自然現象的觀察佮生活經驗所得。

◎地域：是民眾口耳相傳方式，流傳佇生活的地區。

◎內容：對事物的認知佮看法，人生觀佮價值觀的呈現；表現當地的風土民情、思想佮情感。

◎形式：精鍊淺白、可俗可雅的短句或韻語。

◎功能：具有傳授知識、經驗、警世、勸善、教化佮反映禮俗文化等功能。

 

參、諺語的格律

諺語作為一種口傳文學，為了便於記憶佮流傳，佇形式上必須精簡，佇經過長久的傳承了後，自然形成特殊的形式，這種形式包括句式、用韻、修辭等的使用，這的特殊表現技巧，加上台語本身獨具的風格，使簡短的俗諺語具有多義性、含蓄性、生動性。

諺語的格律又可分為「形體的格律」和「聲韻的格律」：

一、形體的格律

「形體的格律」是專就文字的排列而言，如詩有五言詩和七言詩，即是形體格律，形體的格律使字句具有一種整齊媠。諺語佇形體的格律上有真濟變化，有四言、五言、七言、二字二字為一句或二字三字為一句等，其中以四言、五言、七言為上濟，佇形體上的變化十分豐富。

( 3 )：◎放狗屁。◎卯字運。◎三不等。

( 4 )：◎古井水蛙。◎賊星該敗。◎刣雞教猴。

( 5 )：◎好酒沈甕底。◎一丈差九尺。◎龜笑鱉無尾。

二、聲韻的格律

「聲韻的格律」指聲律和節奏而言，諺語中大多有節奏佮押韻，唸起來具有音樂美。具有音樂美的語言應用佇俗諺語的句式頂面，形成富涵哲理閣帶有詩意的特色。

【梨園諺語】

◎一聲蔭九才，無聲毋免來。

◎人生親像大舞臺，苦齣笑詼攏總來(或苦齣笑魁攏公開)。

 一劃二劃
俗諺俗諺
一人一家代，公媽隨人祀。七月半鴨仔，毋知死活。
一人看出一家，新婦看出大家。七坐八爬九發牙。
一人煩惱一樣，無人煩惱相親像。七仔較興八仔。
一丈差九尺。九月颱，無人知。
一千賒毋值八百現。了錢生理無人做，刣頭生理有人做。
一分錢，一分貨。人心肝，牛腹肚。
一个錢拍二十四个結。人未到，聲先到。
一斗較贏九石。人兩跤，錢四跤。
一日走拋拋，一暝點燈膋。人的喙，掩袂密。
一日剃頭，三日緣投。人咧做，天咧看。
一日討海，三日曝網。人若衰，種匏仔生菜瓜。
一日徙栽，三日徛黃。人情世事陪夠夠，無鼎閣無灶。
一代親，二代表，三代毋捌了了。人情留一線，日後好相看。
一句話三尖六角。人牽毋行，鬼牽溜溜行。
一年換二十四个頭家。人無照天理，天無照甲子。
一耳空入，一耳空出。人飼人，一支骨，天飼人，肥朒朒。
一步棋，一步著。人濟話就濟，三色人講五色話。
一枝草，一點露。入人門，順人意。
一某無人知，兩某相卸代。入虎喉，毋死也烏漚。
一面抹壁雙面光。十二月食菜頭，六月才轉嗽。
一兼二顧，摸蜊仔兼洗褲。十二生相變透透。
一隻牛剝雙重皮。十囝十新婦，賰一个老寡婦。
一隻虱母嗙甲水牛大。十指伸出，無平長。
一粒田螺煮九碗公湯。十喙九尻川。
一粒米，百粒汗。四劃
一喙掛雙舌。俗諺
一鄉一俗。互相落氣，求進步。
一遍賊，百世賊。五枝指頭仔伸出來無平長。
一暝全頭路，天光無半步。內神通外鬼。
一樣米飼百樣人。六月芥菜假有心。
一錢，二緣，三媠，四少年。公親變事主。
一个人一款命。分袂平，拍甲二九暝。
一个囡仔較鬧熱三个大人。天公疼憨人。
一个某較好三个天公祖。天頂天公，地下母舅公。
三劃少年若無一擺戇，路邊哪有有應公。
俗諺少年袂曉想，食老毋成樣。
三人共五目，日後無長短跤話。心歹無人知，喙歹上厲害。
三分人，七分妝。手曲，屈入無屈出。
三日無餾，上樹。手抱孩兒才知爸母時。
三代粒積，一代窮空。日頭赤焱焱，隨人顧性命。
三年一閏，好歹照輪。欠錢怨債主，不孝怨爸母。
三百六十行，行行出狀元。歹瓜厚子，歹人厚言語。
三跤步一坎店。歹竹出好筍，好竹出痀崙。
三講，四毋著。歹竹出好筍。
上山看山勢，入門看人意。歹船拄著好港路。
上踏枋，上眠床，無洗跤睏中央。毛呼龜粿粽，紅包隨你送。
上轎才欲放尿。牛就是牛，牽到北京也是牛。
久長病，無孝子。牛牢內觸牛母。
也著箠，也著糜。王梨頭，西瓜尾。
乞食也有三年好運。五劃
乞食下大願。俗諺
乞食身，皇帝喙。仙人拍鼓有時錯，跤步踏差啥人無？
乞食趕廟公。仙拚仙，害死猴齊天。
千金買厝，萬金買厝邊。兄弟若同心，烏塗變成金。
千途萬途，毋值得翻田塗。加減趁，較袂散。
千算萬算，毋值天一劃。台灣錢，淹跤目。
大人生日食肉，囡仔生日食拍。外甥食母舅，親像食豆腐。
大人愛趁錢，囡仔愛過年。幼秀跤，好命底。
大人儉一喙，囡仔食甲飫。未曾學行先學飛，未曾掖種想挽瓜。
大甲溪放草魚－有準無。未食五月節粽，破裘毋甘放。
大目新娘無看見灶。未曾學行，就欲學飛。
大舌閣興喋。甘蔗無雙頭甜。
大狗蹯牆，細狗看樣。甘願做牛，毋驚無犁通拖。
大紅花毋知䆀，圓仔花䆀毋知。生囝師仔，飼囝師父。
大格雞慢啼。生狂狗食無屎。
大細目，懸下耳。生的請一邊；養的恩情較大天。
大碗閣滿墘。生食都無夠，那有通曝乾。
大腸告小腸。生雞卵無，放雞屎有。
大鼎未滾，細鼎沖沖滾。用別人的拳頭母舂石獅。
弓蕉吐囝為囝死。田螺含水過冬。
六劃白白布染甲烏。
俗諺皮皮食甲流餈。
共天公借膽。目睭花花，匏仔看做菜瓜。
囡仔人尻川三斗火。目睭金金人傷重。
囡仔人有耳無喙。目睭看佇粿，跤踏著火。
囝婿是半子。目睭看懸，無看下。
在生食一粒塗豆，較贏死了拜一个豬頭。目睭掛斗概，看人物就愛。
好也一句，歹也一句。七劃
好心予雷唚。俗諺
好歹在心內，喙脣皮相款待。別人的囝死袂了。
好田地不如好子弟。坐予正，得人疼。
好囝毋免濟，濟囝餓死爸。忍氣求財，激氣相刣。
好好鱟刣甲屎那流。見笑轉受氣。
好酒沉甕底。尪姨順話尾，假童害眾人。
好額毋值著會食，好命毋值著勇健。刣雞教猴。
收瀾收予焦，予你生一个有 ?脬。八劃
收瀾收離離，明年招小弟。俗諺
有一好，無兩好。呵咾甲會觸舌。
有囝有囝命，無囝天註定。和尚頭掠蝨母。
有狀元學生，無狀元先生。拍人喝救人。
有食閣有掠。拍虎掠賊也著親兄弟。
有唐山公，無唐山媽。拍斷手骨顛倒勇。
有喙講甲無瀾。放屁安狗心。
有量就有福。杯底毋通飼金魚。
有樣看樣，無樣家己想。爸母疼囝長流水，囝疼爸母樹尾風。
有燒香有保庇，有食藥有行氣。狗無嫌主人散。
死目毋願瞌。罔趁較袂散。
死皇帝毋值得活乞食。花無百日紅，人無千日好。
死蛇活尾溜。近山剉無柴，近溪擔無水。
死道友，無死貧道。近水知魚性，近山識鳥音。
老人毋講古，少年毋捌寶。近廟欺神。
老的老步定，少年的較懂嚇。雨傘雖破，骨格原在。
耳仔生兩葉，家己看袂著。青盲貓咬著死鳥鼠。
行船走馬三分命。九劃
西北雨，落袂過車路。俗諺
西瓜倚大爿。俗物食破家。
囡仔人有耳無喙。俗物無好貨。
十劃勇勇馬縛佇將軍柱。
俗諺咬人狗袂吠。
倖豬夯灶，倖囝不孝。怨生無怨死。
倒吊無墨水。恬恬食三碗公半。
冤家變親家。春天後母面，欲變一時間。
家己栽一欉，較贏看別人。春雺曝死鬼，夏雺做大水。
家己捀屎抹面。是毋是，罵家己。
家和萬事興，家亂萬世窮。某大姊，坐金交椅。
時到時擔當，無米煮番薯湯。查埔也著疼，查某也著晟。
校長兼摃鐘。查埔囝得田園，查某囝得嫁粧。
桌頂食飯，桌跤放屎。歪喙雞食好米。
氣死驗無傷。相分食有賰，相搶食無份。
烏仔魚搢水。相命無褒，食水都無。
烏矸仔貯豆油。相罵無揀喙，相拍無揀位。
神明興，弟子窮。看人食肉，毋通看人相拍。
缺喙的食米粉，看現現。紅媠，烏大範。
翁仔某是相欠債。胡蠅舞屎桮。
翁某若同心，烏塗變成金。食人一口，報人一斗。
翁親某親，老婆仔拋車輪。食人一斤，也著還人四兩。
臭頭仔嘛會做皇帝，做總統你嘛有機會。食人頭鍾酒，講人頭句話。
草地親家坐大位。食好鬥相報。
袂曉剃頭，拄著鬍鬚。食米毋知米價。
財子壽三字全。食果子拜樹頭；食米飯拜田頭。
送伊魚，較輸教伊掠魚。食甜食鹹，臭跤鼻臁。
痟狗舂墓壙。食魚食肉，也著菜佮。
痟貪軁雞籠。食無三把蕹菜，就欲上西天。
十一劃食著藥，青草一葉；食毋著藥，人參一石。
俗諺食飯皇帝大。
做公親，貼本。食碗內，講碗外。
做牛著拖，做人著磨。食飽換枵。
做官若清廉，食飯著攪鹽。食緊挵破碗。
做官騙厝內，做生理騙熟似。食雞，會起家；食鰇魚，生囡仔好育飼。
做著歹田望下冬，娶著歹某一世人。枵鬼假細膩。
做戲的欲煞，看戲的毋煞。十二劃
張持無蝕本。俗諺
得失土地公，飼無雞。喙食，予尻川坐數。
惜花連盆，疼囝連孫。喙脣皮相款待。
掠龜走鱉。喙飽，目睭枵。
捷罵袂聽，捷拍袂疼。媒人保入房，無保一世人。
掃地掃壁角，洗面洗耳空。惡馬惡人騎。
教豬教狗，不如家己走。揀啊揀，揀著一个賣龍眼。
欲好額等後世，欲做官學做戲。攑頭三尺有神明。
清明無轉厝，無祖；過年無轉厝，無某。敢做匏桸，著毋通驚水燙。
牽尪姨，順話尾。棚頂做甲流汗，棚跤嫌甲流瀾。
細空毋補，大空叫苦。無三不成禮。
細漢偷挽匏，大漢偷牽牛。無日毋知晝，無鬚毋知老。
細漢煩惱伊袂大，大漢煩惱伊袂娶。無毛雞假大格。
船過水無痕。無牛駛馬。
這溪無魚，別溪釣。無米有舂臼，無囝抱新婦。
陰鴆陰鴆，咬人三寸深。無彼號尻川，想欲食彼號瀉藥。
頂司管下司，鋤頭管畚箕。無枷夯交椅。
頂港有名聲，下港上出名。無通生食，哪有通曝乾。
徛懸山，看馬相踢。無魚，蝦嘛好。
十三劃無禁無忌，食百二。
俗諺猴也會跋落樹跤。
圓人會扁，扁人會圓。畫虎畫皮無畫骨，知人知面不知心。
嫁雞綴雞飛，嫁狗綴狗走。等物僫到，等人快老。
嫌貨才是買貨人。菜蟲食菜，菜跤死。
愛拚才會贏。買田愛揀好田底，娶某愛揀好娘嬭。
愛媠毋驚流鼻水。買厝，買厝邊。
惹熊惹虎，毋通惹著刺查某。買賣算分，相請無論。
暗頓減食一口，活甲九十九。趁也著趁，食也著食。
會生得囝身，袂生得囝心。趁錢有數，性命愛顧。
會跋才會大。跋一倒，抾著一隻金雞母。
會曉偷食，袂曉拭喙。痚呴袂堪忍得嗽。
溜溜瞅瞅，食兩蕊目睭。媠䆀無比止，愛著較慘死。
萬事起頭難。十四劃
腹肚若水櫃，胸坎若樓梯。俗諺
腹肚做藥櫥。僥倖錢，失德了；冤枉錢，跋輸筊。
落塗時八字命。慢牛厚屎尿。
落水平平沈，全無重頭輕。疑人，毋成賊。
誠意食水甜。盡人事，順天意。
過時賣曆日。緊行無好步。
過橋較濟你行路，食鹽較濟你食米。緊紡無好紗，緊嫁無好大家。
隔壁親家，禮數原在。十五劃
飼囝無論飯，飼爸母算頓。俗諺
飼鳥鼠，咬布袋。瘦田?欶水
飽穗的稻仔，頭攏犁犁。豬毋大，大對狗去。
骨力食力，貧惰吞瀾。戲館邊的豬母，袂歕簫嘛會拍拍。
十六劃豬岫毋值狗岫穩。
俗諺豬頭毋顧，顧鴨母卵。
樹頭徛予在，毋驚樹尾做風颱。豬頭皮糋無油。
膨風水雞刣無肉。賣茶講茶芳，賣花講花紅。
輸人毋輸陣，輸陣歹看面。燒瓷的食缺，織蓆的睏椅。
錢四跤，人兩跤。鋪面蟶，浸水蚵。
頭大面四方，肚大居財王。靠山山會崩，靠水水會焦。
頭燒燒，尾冷冷。十七劃
鴨仔聽雷。俗諺
龍交龍，鳳交鳳，隱痀的交侗戇。戲棚跤徛久就是你的。
龜笑鱉無尾，鱉笑龜粗皮。濛濛仔雨落久，塗也會澹。
龜跤趖出來。艱苦頭，快活尾。
龜跤龜內肉。講一个影，生一个囝。
閹雞趁鳳飛。講著食，舂破額。
十八劃搖人無才，搖豬無刣。
俗諺斷掌查埔做相公，斷掌查某守空房。
舊囚食新囚。猴䆀?欠數。
雜唸大家出蠻皮新婦。
雙手抱孩兒，才知爸母時。十九劃
雙个旋，惡甲無人問。俗諺
雞卵密密也有縫。離鄉，無離腔。
雞屎落塗，也有三寸煙。關門著閂，講話著看。
其他比劃
俗諺
勸人做好代，較贏食早齋。
勸恁有孝千萬句，袂曉有孝豬狗牛。
嚴官府出厚賊；嚴爸母出阿里不達。
爛塗袂糊得壁。
歡歡喜喜一工，煩煩惱惱也一工。
聽某喙，大富貴。
讀冊，讀佇尻脊骿。
驚某大丈夫，拍某豬狗牛。
驚驚袂著等。
戇的也有一項會。