唐詩吟唱”登鸛鵲樓”

《閩南語小老師》~~
宸睿.建辰.克瑜.元碩.立揚.日佑.彥叡.昕妤.馥亞.芷雯與六年級的學長聯手擔任閩南語小老師的任務，於師生朝會中吟唱唐詩~歌聲婉轉悠揚、洋洋盈耳，新聲含盡古今情！
登鸛鵲樓~~王之渙
白日依山盡
黃河入海流
欲窮千里目
更上一層樓
日頭漸漸仔偎近一粒仔一粒的山頭，伊的光勻勻仔欲消失佇山的彼爿。
黃河的水流向無邊閣闊茫茫的東海，一直流去、一直流去。
若想欲共千里外的風景看予到氣，就愛跋較懸的一層城樓囉！
「白日依山盡」，是一個短暫的過程，咧講日頭欲落山囉！
「黃河入海流」黃河的水流唯東海去，是一種延續的運動。
這種迷人的景色，會使講是一種動態的媠，充滿活潑的媠。毋是「定格」的，袂振動的喔！
「欲窮千里目」「更上層一樓」寫詩人一種無限探求的願望，想欲予目睭看閣較遠的所在，唯一的方法就是愛徛懸的所在。
「千里」「一層」，攏是虛數。是詩人想用橫、直兩方面的空間來表現。
「欲窮」「更上」語詞中間包含偌爾仔濟希望
這兩句詩，是千古流傳落來真自然的一首詩。
收尾的所在「樓」嘛起點著主題的作用，說明這是一首登樓的詩。