台灣早期有械鬥事件，而宜蘭早期和別位所在無仝有因為樂器無仝的福祿和西皮相拚，早期宜蘭西門附近有一個番薯舍就是人講的黃及西是真有錢是西皮派，另外有一個賣豆腐的珍仔是福祿派，有一年王爺生日，豆腐珍仔倩幾陣陣頭佇番薯舍厝外踅來踅去，番薯舍以為是真濟陣頭，仝一年田都元師生日時，番薯舍就開閣較濟的錢倩陣頭來拚勢面，地方上真濟人講這著是豆腐刀削番薯皮，這馬如果佇宜蘭西門經過猶閣會使看著黃及西往過洋樓，雖然人去樓空，但是會使看出來黃及西往過是真好額的人，宜蘭西門是古早宜蘭上熱鬧的所在，宜蘭上早的夜市仔嘛佇西門。