宜蘭縣101年度本土語言環保創意教學成果
劇情簡介(節目介紹用約250字) |
童話美人魚故事改編：美人魚生存的海洋被垃圾汙染了，
人類將垃圾亂丟從水溝或河流沖到海洋，海洋裡面所有的
生物都呼吸不到新鮮的空氣，水質也變髒了，美人魚在海
上努力呼喚正在船上開派對的王子來救他們，王子看到人
魚公主們身邊有好多垃圾，鼓起勇氣答應美人魚要把垃圾
處理乾淨，還給美人魚乾淨的生存環境，並且還要留在島
嶼教導人類做資源回收的工作，王子解除了巫婆要破壞海
洋生態的計畫，就在王子與美人魚分工合作把海面上的垃
圾處理乾淨的同時，海龍王在玻璃瓶中放了一封信，飄到
美人魚的手上，龍王下令把最小的人魚公主嫁給英勇的王
子為妻，所有的人魚公主也獲得重生，生出了人類的雙腳
，一起留在島嶼和王子從事海洋生態環保的工作。
戲劇表演類
英雄救美台詞
編劇：毛琡媚
開場音樂
人魚1：救命啊！救命啊！
人魚2：這是啥乜物件？
人魚3：我也毋知影
人魚4：阮若會佇遮咧？
人魚5：遮真臭閣癩哥
人魚6：欲按怎？我規身軀攏無力~~~矣
人魚7：我問天我問天~~敢會當莫閣創治
女巫：哈哈哈哈哈！(奸笑)我共你講，你不通共別人講，講是我共你講的，
我共你講你若共別人講，我講是我共你講的，我共你講我著毋共你講
人魚一起：啊～你到底欲講啥？
女巫：這叫做~~糞圾~~
人魚7：阮叫做糞圾？
女巫：毋是佇講恁啦！是咧講恁身邊遮个物件
人魚7：為啥乜遮有遮濟糞圾
女巫：因為，人類習慣共怹(in)食完的、用完的，毋愛的物件烏白擲
人魚7：人類為啥乜欲共阮的家園變成這款模樣呢？(哭泣~~~)
女巫：無要緊，我有辦法。
人魚7：你有啥乜辦法？
女巫：海面上有一台船仔，船頂有一个緣投閣漂撇的王子，恁只要予伊
發現恁佇遮，伊著有辦法救恁了。
人魚1：你是尪姨，你有魔法，為啥乜你毋救阮？
尪姨：我是尪姨，故事內底的尪姨攏是歹的，我當然未當救恁，故事內
底攏是王子救公主的，英雄救美聽過無？放心，王子會救恁的。
人魚2：阮欲想辦法予王子看著阮
人魚3：阮大聲唱歌，王子聽著，著會遂來救阮
人魚4：好啊！阮欲唱啥乜歌呢？
人魚5：等~~~等~~等~等~等(口吃)
人魚6：等啥？閣再等落去阮著沒命矣
人魚7：伊是欲唱糞圾車的歌…….
旁白：人魚公主用盡規身軀的氣力唱出了一首家家戶戶聽著攏知影的歌，
毋過，行船的王子猶原無聽到
人魚1：欲按怎？王子無聽到。
人魚2：王子毋免倒糞圾，伊無聽過糞圾車的音樂啦！
人魚3：那按呢欲按怎？
人魚4：我知影，阮唱生日快樂歌，伊一定會聽著
人魚5：王子生日的時陣攏會佇船頂開party
人魚6：逐家做伙大聲唱
人魚一起唱生日快樂歌(台語版)
人魚7：王子看著阮了(揮揮手)
王子：彼是啥乜？
人魚7：王子~~王子~~救阮
王子：恁是啥人？
人魚7：阮是美人魚
王子：真媠的美人魚咧佮我講話？
人魚7：王子，阮兜予糞圾汙染
人魚1：水變成烏色的
人魚2：臭臭癩哥袂當啉
人魚3：你看，抑有遮濟浮佇水面的物件遮著日頭
人魚4：阮攏強欲活未落去啊
人魚5：王子，你一定愛想辦法救阮呀！
人魚6：假使你有辦法共遮處理清氣，阮著攏嫁予你
王子：攏嫁予我~~~(害羞)，無無無，救恁是我的責任，
除了欲共遮的糞圾弄清氣，還予恁一個清氣的家園之外，
我抑要留落來教導遮子民勿通亂倒糞圾
人魚7：王子儘勇敢喔！
王子：我需要人魚公主們的鬥相共
王子：請大姊佮二姊負責紙類，三姊佮四姊負責塑膠管仔，
五姊佮六姊負責鐵罐仔，人魚小妹佮我負責玻璃罐仔
旁白：(in)分工合作，共海上所有的糞圾攏做分類
王子：好矣，糞圾攏處理好矣
人魚7：遮有一個矸仔，內底貯一張紙耶！
王子：矸仔內底有批耶！拍開看覓咧
旁白：恭喜王子解除了尪姨的咒懺，共海水變清氣啊，龍王下
令共人魚公主嫁予你作某，閣欲將所有的人魚公主變成善良的
人類佮你鬥陣留佇遮蹛，教人類做好糞圾分類，維持清氣的環境。
人魚做伙：咱生出人類的雙腳囉！(開心樣)
王子送小公主戒指，大家拍手祝福他們