蘭陽相褒表演團 團長莊文龍講師
教育部臺語績優教師
自由時報徵文金獎
聯禾有線電視臺～歡喜相褒學臺語 主持
全民網路電視臺～蘭陽相褒表演團 主持
警察廣播電臺～我來唸歌予恁聽 金鐘獎得主羅惠玉 共同主持
佳音廣播電臺～歡喜相褒學臺語 八金得主劉麗紅 共同主持
歡迎參加！相褒歌傳唱教學課程。
0911217668
我的名叫莊文龍，佇教臺語好思想，
鼓勵學生來欣賞，傳承智慧同分享，
認真拍拚向前衝，若有缺點小原諒，
好的建議會聽從，互相相伨來褒獎，
眾人意見定尊重，分工合作相參詳，
建設言論來呼籲，學生乖巧逐家暢。
臺語教學到如今，全面推動如火急，
教育事業有愛心，敬業精神負責任，
創新充實袂放鬆，觀摩學習會上網，
交換經驗來開講，有樣看樣比平棒，
交流互動勤研習，需要逐家來匯集，
教材教法來編輯，臺語活水來補給，
教學研究做完備，佇教臺語真順利，
互相鼓勵佮支持，開創臺語好時機。
學生朋友學臺語，大聲開喙上歡喜，
會曉讀冊唸歌詩，這款快樂無底比，
唸歌算是好代誌，讀了若熟加捌字，
功課咱若做完畢，閒閒通好唸歌詩，
人講酒逢知己飲，若好詩句會友吟，
眾人學習真有心，臺語園地歌詩吟。
熱愛臺灣文化，