5/１9蘭陽相褒表演團11：35-11：40 歡迎蒞臨採訪指教 更加歡迎各社區&各位記者有興趣學台語七字仔請與我聯絡!!! 萬分感激!!!

~~林美資源回收隊~~

林美資源回收隊，環保愛村咱發揮，

眾人出力鬥分類，支援經費好作為。

做好分類報紙捆，環保志工望眾君，

資源回收跤步穩，社區清氣真感恩。

照顧咱的好地球，糞埽亂擲面憂愁，

地球發燒緊解救，資源利用愛回收。

塑膠減用著講究，鋁罐鐵罐隨手收，

再生紙漿救老樹，逐家關心愛地球。

~~綠色生活愛地球~~

結合民眾的力量，種樹種花來美容，

特色花草通欣賞，景觀規劃來加強。

~~共同綠美化~~

全面進行綠美化，親近愛護唱褒歌，

自然植栽媠擴大，提昇美境質昇華。

~~三代保正~~

林番婆、林水土、林茂已。

祖孫三代做保正，領導有方民意聽，

理事公正愛搬請，深受愛戴服務晟。

~~林美社區生態村~~班員共同創作3/28

林美社區生態村，水土保持好景觀，

環境保護咱鬥管，石磐步道顧齊全。

~~觀光勝地大學城~~

山川秀麗高球埕，地勢平坦大學城，

林木青翠真奢颺 ，蘭陽平原在咱行。

~~林美村長游有德~~班員共同創作3/28

林美村長游有德，改善交通好經歷，

文化產業唱歌曲，造福村民人面熟。

鋪橋造路林美村，綠化美化真美觀，

相褒歌曲文化館，地方服務夆留戀。

~~林美金棗文化館~~

班員共同創作3/28

金棗好食好滋味，真好落喉酸甘甜，

幫助消化咳嗽治，營養豐富閣開脾。

料理通摻雞湯煮，糖醋排骨金棗魚，

金棗茶汁果醬糕，通做茶包鹹酸甜。

~~社區國寶~~ 

社區國寶愛珍惜，吸收創造足鮮沢，

共同記錄趕緊抾，時間寶貴搶會著。

~~林美村寶游石頭的相褒歌~~

~~日本兵~~

菅芒開花蓬蓬坱，日本掠阮去做兵，

身軀縖刀手攑銃，目屎流落滿胸前。

~~上天賜萬物，因緣皆俱足~~

上讚事物在地寶，天時地利加人和，

萬事俱備上蓋好，物競天擇捒相褒。

~~林美社區 ~~

作者賴火樹

林茂築設大學城，

美麗球場享盛名，

社稷興隆民豐樂，

區內發展好名聲。

~~願景規劃~~

社區營造靠您我，同心協力唱褒歌，

拍拚認真咱招伴，建設林美展才華。

每人一首樂無比，鬥陣研究好時機，

白話好耍有意義，數千社員展神奇。

臺語芬芳好氣味，轉化美麗媠歌詩，

巧妙運用激腦智，傳唱千年佮萬年。

~~寫詩創作~~

~~1.押韻原則先學會~~

一三句尾抾仄聲，二四句韻押平聲，

一調五調叫平聲，其他聲調是仄聲。

~~2.八聲七調分會明~~

二六相仝會曉捌，一七三二五四八，

長短低懸昇降束，符號愛記真快速。

~~3.同齊招伴來學習~~

請咱多多來宣導，捷練定寫學臺羅，

代代相湠佇寶島，說唱藝術意境高。

褒歌是第4.8調入聲做另一韻看待，第四調安排在第1.3句。第八調安排在第2.4句。

http://blog.ilc.edu.tw/blog/gallery/6228/6228-678574.pdf

免錢贈送=莊文龍臺語詩韻表

http://twblg.dict.edu.tw/holodict_new/index/yunmu_level1.jsp

韻母索引

http://twblg.dict.edu.tw/holodict_new/index.html

教育部台語常用字典~~

逐工開喙講好話、做好事~~ 

希望智慧捷創作，大方自信閣快樂，

方便眾生緊開拓，好的文章定朗讀。 

學習成長叫幸福，人好鬥陣性和睦，

歡喜感動學問博，予人數念袂孤獨 。

咱的成果真豐富，美麗歌詩練工夫，

通請逐家來鬥句，台語藝術一定浮。

~~合聚眾力~~

臺灣各地全人才，合聚眾力同齊來，

臺灣母語逐家愛，發揚臺語笑咍咍。

~~出聲閣出力~~ 

鬥陣有心上要緊，台語靠咱來振興，

學著福氣讚聲恁，好運相隨定創新。

~~有好的文才~~感動人心的創作~~ 

臺語光明的未來，愛有逐家緊出師，

愛靠您咱攏來愛，愛寫愛講展文才。

3+1+1+2

1+3+2+1

2+2+1+2

2+2+2+1

4+2+1

4+1+2

~~了解比較學習~~ 

化繁為簡是注音，望符呼音歌詩吟，

科技進步咱責任，萬中選一臺羅尋sîm。

~~專家、毋捌的人、小學生等，嘛是攏愛用統一用字的台語典~~ 

一字小放全盤亂，您差我變袂完全，

建議改革尊定案，放下推撨看宏觀。

~~請恁支持用正字~~ 

人才濟濟變阻礙，費盡苦心時間開，

寫批尊重攏無愛，一人一款真悲哀。 

社團連結愛來貼，用字經心揣予合，

前輩合齊攏鬥搭，功能苦勞莫重疊。 

工夫一流總鋪師，正字參考逐家來，

無改先用試看覓，建議修正才應該。 

逐家參考就袂亂，爭議用字加操煩，

相佮研究莫獨斷，意見溝通顧台灣。

~~愛母語來發揚~~ 

全台精英來發揚，人人親像若活龍，

七字捷練緊使用，眾人合齊鬥陣衝。

~~四句聯~~

人講七字文用精，起承轉合做總成，

簡潔精鍊大意定，天縱英才台語興。

~~研究累積~~

互相研究閣好禮，令人敬佩是逐家，

放棄本位撨好勢，累積實力咱同齊。

~~侹元顧本 ~~男女老幼攏總來~~

逐家共同來拍拚，支持台灣鬥陣行，

本土文化眾人侹，發揚光大一定贏。

~~七字好用~~ 

七字剾洗利鋸鋸，字字珍珠軟絲絲，

好言好語紅記記，用心良苦意綿綿。

~~攏寫七字仔~~ 

這馬開始寫七字，啥物物件攏用伊，

就對你我來開始，閣招好友鬥支持。

~共同經營台語社~ 

莫講社長公家的，逐家出力愛靠這，

營造特色靠全體，鬥想撇步咱同齊。

相褒歌曲台灣寶，出喙成歌來相褒，

欲揣這款世界無，逐家來學真正好。

~~評論時事用台語~~ 

文字圖片的力量，用心推廣來補充，

 時事評論上蓋勇，罔寫兩句好參詳。

~~良作佳品~~ 

社友寫歌有天份，良作佳品喜紛紛，

舞台呈現鬧滾滾，逐工創作較齊勻。

~~大展文才~~ 

用心寫詩真厲害，七字筆鋒眾寫來，

文字疼惜台灣愛，興國安邦展文才。

~~緊寫就著~~ 

無夠層次是客氣，趕緊來寫媠歌詩，

那學那動愛靠你，鬥陣招伴你我伊。

~~莫講老師我自學~~ 

逐家鬥陣來創作，請教老師通自學，

接受牽教袂外僫，互相參考加淡薄。

~~台語逍遙遊~~ 

建議反省隨接受，有則改之靠自修，

無嘉勉勵聽諍友，台語世界逍遙遊。

~~好精神~~ 

無仝的人看作品，認清盲點問原因，

互相研究較要緊，虛心精進好精神。

~~學寫七字仔~~ 

網路詩友遮爾濟，請教欲選佗一个，

寫七字仔連鞭會，用心傳授使人迷。

~~台語寫手~~ 

詩作流芳百百款，豪情氣勢千古傳，

忠孝節義萬世願，用心疼惜咱台灣。

~~精益求精~~ 

歹勢佇遮會失禮，批評建議疑問提，

反思精進來勉勵，用心良苦毋通推。

 ~~烏鴉啥做~~ 

和尚頭咧揣蝨母，好聽的話免驚無，

願講真言有較僫，檢討改讚用心褒。

~~~~每週一歌~~~~作者:莊文龍

~~歡喜學台語~~

歡歡喜喜學台語，快快樂樂真趣味，

規規矩矩聽教示，輕輕鬆鬆足順利。

~~笑微微~~

透早起來真歡喜，看著逐家笑微微，

逐工運動真趣味，予咱健康食百二。

~~學台語~~

學生朋友學台語，大聲開喙上歡喜，

會曉讀冊唸歌詩，這款快樂無地比。

~~勤讀冊~~

拍算計畫勤讀冊，
拚命認真莫留白，

讀久體會寶貝提，
冊中好空在你踅。

~~有禮貌~~

做人謙虛有禮貌，看人就笑愛頕頭，

朋友弟兄好廣交，金銀財寶到咱兜。

~~守規矩~~

上課做人守規矩，跤手緊快聽教示，

訓練家己好腦智，創新應變得先機。

~~愛清氣~~

穿插好看愛清氣，指甲捷修照順序，

身軀定洗真四序，環境清幽樂安居。

~~公德~~

行善積德無所求，知足常樂免憂愁，

公共道德有成就，貢獻社會好理由。

~~友愛~~

你我攏是好朋友，鬥陣讀冊手牽手，

做伙運動佮拍球，好聽的歌同齊唱。

~~尊重~~

遵守規矩聽教示，注意公平愛講理，

乖巧聰明捌代誌，互相尊重佮支持。

~~守法~~

駛車守法愛小心，燒酒千萬毋通啉，

互相相讓著愛忍，若無一定會相唚。

~~負責~~

上課袂吵蓋安靜，專心用功上正經，

考試攏考第一等，我是負責好學生。

~~孝順~~

身體健康食百二，萬事如意真歡喜，

逐工快樂笑嘻嘻，我會永遠有孝你。

~~好學生~~

三民學生真正好，讀冊認真人呵咾，

健康可愛閣活寶，上課規矩通人褒。

~~老實~~

台灣的人上蓋好，認真骨力拍拚做，

古意老實真可靠，樸實勤儉袂駱駝。

~~向上心~~

逐家趕緊做伙來，爭取冠軍提金牌，

提著頭名人人愛，眾人歡喜笑咍咍。

~~勇敢~~

拄著問題愛開喙，請人幫贊想較開，

勇敢拍拚靠智慧，咱一世人袂枉費。

~~立志~~

若欲成功愛立志，跤踏實地有志氣，

計畫周全用計智，堅心完成心若鐵。

~~惜福~~

感恩愛物閣惜福，互相疼惜袂孤獨，

好的相傳莫作惡，將心比心真快樂。

~~專心~~

專心聽課真輕鬆，一心兩用雙頭空，

拍拚讀冊有希望，實現理想來圓夢。

~~原諒~~

仙人拍鼓有時錯，跤步踏差啥人無，

人非聖賢誰無過，當作修行莫煩惱。

~~讀冊~~

講著讀冊真趣味，一二三四A B C，

ㄅㄆㄇㄈＤｏＲｅＭｉ，鹹汫苦澀酸甘甜。

~~美麗人生~~

孤會曉講攏毋動，繁華美夢總是空，

美麗人生愛有夢，免想艱難像山崩。

https://www.facebook.com/groups/930583516971925/

歡喜相褒學臺語，輕鬆好耍真趣味，網站放送來做起，傳教簡單閣順利。

簡單好學的相褒歌是精緻臺語文化中，相當珍貴的一項資產;如同歌仔戲的七字仔、四句聯，出口成歌，每句押韻，是相當通俗的白話詩，日常生活對話，見景取材，即興創作，趣味性高，把看到的、聽到的馬上入歌，隨即唱出，就好像張帝的急智歌曲一樣，也好比曹植七步成詩一樣，還可以呈現多元的音樂風貌；還可以用活潑的歌仔戲調如歡喜玉玲瓏的狀元樓、留傘調…相褒調、吟詩調、民謠、囡仔歌、東西洋名曲、現代流行歌曲、對口相聲、答嘴鼓、RAP等，呈現多元的音樂風貌。吟唱歌詞內容包羅萬象，以傳統七字仔，押韻的相褒歌及自創歌詞介紹給學生，使能聽、說、讀、寫、作、演、吟、唱。設計創新、好學、好記的自編學習教材。作品可吟唱，能善用音韻特性，結合律動，提供生活化、趣味化、活潑化且正確之教學設計，方便學生自我學習。增進臺語教學之活潑性，並發揮多媒體教材、資訊融入教學的優點，豐富教學內涵，引發學生學習意願，提升臺語能力，輔助語言學習，有效提高學生學習意願及成效。作品題材設定、單元安排與教學設計符合初學臺語程度的原則。吸引學習者的創意與趣味性，激發繼續學習的興趣。希望有機會能讓臺語的美繼續流傳下去。以自創歌詞介紹給學生，適合進入學校教導小朋友,譬如宜蘭風景真正好，李子好吃粒粒酸…等,即時即景的歌謠,可吟唱.可朗讀,可表演,可配合學校本位課程,發展學校特色,節慶表演都非常適合。 評量方式：聽懂、會講、讀唸、記寫、團體創作、演唱。寫出心情感受，去憂解煩的作品。

講師E-Mail：Win3798@gmail.com

部落格＊＊臺語相褒歌 教學站–歡迎逐家相招來相褒＊＊

http://blog.ilc.edu.tw/blog/blog/678

我的名叫莊文龍，佇教臺語好思想，鼓勵學生來欣賞，傳承智慧同分享，

認真拍拚向前衝，若有缺點小原諒，好的建議會聽從，互相相挺來褒獎， 

眾人意見定尊重，分工合作相參詳，建設言論來呼籲，學生乖巧逐家暢。

臺語教學到如今，全面推動如火急，教育事業有愛心，敬業精神負責任，

骨力充實袂放鬆，觀摩學習會上網，交換經驗來開講，有樣看樣比平棒，

交流互動勤研習，需要逐家緊匯集，教材教法來編輯，臺語活水捷補給，

教學研究做完備，佇教臺語真順利，互相鼓勵佮支持，開創臺語好時機。

學生朋友學臺語，大聲開喙上歡喜，會曉讀冊唸歌詩，這款快樂無底比，

唸歌算是好代誌，讀了若熟加捌字，功課咱若做完畢，閒閒通好唸歌詩，

人講酒逢知己飲，若好詩句會友吟，眾人學習真有心，臺語園地歌詩吟。熱愛臺灣文化，有心改造社會風氣!

~~頭牙拜拜土地公生~~

福德正神土地公，聖誕千秋真輝煌，保庇眾生靈感動， 四季平安攏成功。

~~天公疼戇人；4月初1戇人節~~

社區營造戇人節，有夢上媠願景提，希望相隨逐家欲，踏實圓夢寬轉踅。

~~願景規劃~~

社區營造靠您我，同心協力唱褒歌，拍拚認真咱招伴，建設林美展才華。⋯⋯

~~感謝死忠兼換帖 ~~

理念支持巧巧做 ，加油加油go go go! 
good! good! 好好好!   千錘百鍊出喙褒。

林美社區上蓋讚，多多指教機會牽，共同拍拚靠恁咱，合作有期好空間。

宜蘭縣礁溪鄉 林美社區發展協會臺語相褒歌班~~歡迎參加FB面冊社團
 https://www.facebook.com/groups/930583516971925/

                                                          莊文龍 0911217668 誠懇敬邀