帶動唱手語歌
1. 台語削削叫，無學真可惜，
專心綴會著，毋驚去予人笑。
2. ~~歡喜學臺語~~
歡歡喜喜 學臺語，快快樂樂 笑微微，
規規矩矩 聽教示，輕輕鬆鬆 愛支持。
3. 守規矩
上課做人守規矩，跤手緊快聽教示，
訓練家己好腦智，創新應變得先機。
4. 笑微微
透早起來真歡喜，看著逐家笑微微，
逐工讀冊真趣味，予咱健康食百二。
5. 勤讀冊
拍算計畫勤讀冊，拚命認真莫留白，
讀久體會寶貝提，冊中好空在你踅。
6. 樂學習
上愛日出天漸光，歡喜踏入學校門，
學著智識頭腦轉，快樂學習佇校園。
7. 同樂國小好名聲，校長主任真拍拚，
老師教册若拚命，家長呵咾佮感謝，
8. 學生上課認真聽，考試一百第一名，
互相鼓勵鬥陣行，將來成功一定贏。
愛惜公物
公家物件愛寶惜， 桌椅毋通一直搖，
敧敧硞硞輾挵叫 ， 真無道德頭殼燒。