莊文龍~~建設言論~~個人近期服貿言論總整理:
集中全國的智慧，有效辦法來發揮，
民主台灣世界媠，公民力量大作為。
莊文龍~~關注正題:~~民主法治反獨裁，服貿危機逐家來~~
公民運動有目標，論述走偏會失焦，
關注正題是上巧，社會資源望學潮。
莊文龍~~「台北日頭花服務貿易事件」~~
~敬請逐家共同思考?後壁的留白，請逐家來填寫!!!!~
增加就業的機會?
勞工侵台失業衰?
提升薪水低薪綴?
溝通說服萬百回?
資本掌控若踏火?中國資本買斷台灣絕對無問題?
買斷台灣當笑詼?現實中品中資中配中幹自由行?
惡性競爭吊車尾?低價劣品獨裁專制無品禽流感?
經濟合作會起飛?新光台塑台商經濟命脈束死中?
急進侵占驚反背?像西藏香港有計畫移民攏總來?
大小開放變罪魁?無競爭力的中小企業是福是禍?
歷史留名定功過?捏死袂振袂動如果若無明仔載?
隱瞞恐嚇會脫箠?人簽咱無會害亂簽夭壽較緊死?
放棄認命伨做伙?
官逼民反厚面皮?
抗議連署咱寶貝?
罷課風潮日頭花?
愛民如子真後悔?
重啟談判作引媒?
配套想好困境掰?
完善決策等輪迴?
抗爭多日激進退?
唱空城計假空囮?
罔顧民意搧喙䫌?
師老兵疲冷風吹?
靜坐抗議鎮暴配?
不問蒼生跤手瘸?
英雄豪傑少年輩?
引爆怒火啥來賠?
莊文龍 ~~台灣學運，轟動全球~~
民主之路長lom3som3，學運學費貴參參，
連結你我民主茂ōm，轟動全球億聲丼。
莊文龍 ~~正義形象營造~~
違法毋做。盲從、盲動、垃圾話、噪音…逐項改進一百分!
講話做事有考慮，事後孔明費工夫，
免落批評做正事，形象營造蓋特殊。
莊文龍 ~~宏觀愛台灣~~
無能政府咱不滿，社會正義愛樂觀，
歷史文化總攬管，開闊心胸愛台灣。
莊文龍 ~~公民制憲~~
憲政會議是根本，公民力量眾議尊，
權能區分做後盾，長治久安來遵循。
共同制定新憲法，烏箱獨裁愛拒絕，
公平正義訴公決，人民發聲求超越。
莊文龍~~理性論政~~新三民主義~~民主、民生、民權~~
三五好友論時勢，民主國家逐家的，
主權獨立來拍底，義不容辭咱同齊。
莊文龍 ~~深化民主，反獨反烏~~
認識民主有深度，公民參與正義鋪，
明辨是非用法度，憲政工程展宏圖。
莊文龍 ~~理性辯證~~
雙方互相多了解，化解誤會逐家來，
和平理性充滿愛，避免對立笑咍咍。
莊文龍 ~~寫文章、講出聲、鬥相伨、行出來~~
守護民主愛拍拚，見證歷史阮佇遮，
永不放棄咱知影，關鍵時刻來出聲。
莊文龍 ~~民主加油~~
台灣加油滷肉飯，民主新頁共同扛，
出錢出力顧三頓，公平正義攢十全。
莊文龍 ~~感恩感謝~~
~學運發新穎，萬民出頭天!~
為民苦戰恥笑趕，身心俱創冷佮寒，
監督服貿淚眼看，透明公開袂孤單。
獨裁烏箱趕緊散，風吹雨淋閣曝乾，
堅心改革招作伴，解決問題愛政壇。
逐條審議顧飯碗，造福人群免捙盤，
社會對立欲按怎，同心協力望好官。
莊文龍 ~~參與政治~~
掌握家己的運命，學生關心來出聲，
和平理性萬民疼，支持民主用心聽，
尊重法治拚性命，流血鎮壓予人驚，
冷靜處理平事件，守護台灣鬥陣行。
莊文龍 ~~回歸法治~~
落井下石是誣告，枉屈抹烏免囉嗦，
是偷是搶攏毋好，堅持法辦毋通無。
莊文龍 ~~毋通犯錯、謹慎行事~~
保持平靜愛負責，報復行為真橫逆，
修改錯誤有對策，輿論關注會明白，
忍受攻擊受壓迫，爭取權利有選擇，
拒絕服從來打擊，抵抗不法非暴力。
莊文龍 ~~背後血手~~
~反對暴力破壞公物、抹烏~
公平正義的情境，手無寸鐵好學生，
警棍盾牌加頭頂，和平理性佇抗爭，
血流滿地來示警，公民反抗來反形，
守護台灣世界猛，歷史留名眾精英。
莊文龍 ~~獨裁者下令<血腥鎮壓>~~
拚血鎮壓有藉口，莫做獨裁亂糟糟，
民主國家保護到，對話協商上蓋gâu。
莊文龍 ~~愛予倒~~
自我感覺真良好，執意孤行本事無，
背離民意毋參考，自食惡果亂慒慒。
莊文龍 ~~言而無信~~
信用破產無誠意，空喙哺舌共人欺，
顧盤喙錦gau5爭議，喙掛雙舌無藥醫。
莊文龍 ~~烏白交賊~烏白來~
烏道聳鬚白道戇，明槍易閃暗難防，
政府寵倖真冤枉，逞性逞勇國家亡。
莊文龍 ~~張持注意~~中國銀行冇數
破產違約錢四散，銀行冇數堆若山，
人治獨裁黨來扞，買通烏西來操盤。
無我代誌我貧惰，早知傷慢會反彈，
連紲倒店牽連我，謹慎頂真顧這攤。
莊文龍 ~~惡意併吞~反托辣斯~（antitrust）
提高技術佮服務，毋驚競爭練工夫，
惡意併吞免外久，堅守底線弱勢扶。
莊文龍 ~~疼惜台灣好所在2004/8/20~~
台灣的人真善良，生做好看好面容，
腹腸真闊有肚量，人人親像一尾龍。
台灣團結氣力強，欲好欲歹靠大眾，
為咱國家來盡忠，鬥陣打拚向前衝。
愛靠地方佮中央，資源逐家公家用，
好好來講莫相傷，互相相伨相褒獎。
好的建議著聽從，若有缺點小原諒，
好的物件同分享，分工合作鬥參詳。
眾人意見定尊重，建設言論齊呼籲，
經濟發展逐家暢，逐家講咱真正勇。
同款所在佇成長，人有百款百百種，
毋通分化共中傷，同胞相害受災殃。
咱有智慧有思想，互相鼓勵互欣賞，
維護台灣好形象，建設台灣若仙宮。
蓬萊仙島太平洋，中原中國在大陸，
本是同根相接續，飄洋過海姑不將。
落地生根是正常，分分合合愛包容，
歹面相看相對相，互相相害變自傷。
飛彈威脅相對向，SARS危害會滾躘，
逼使台灣重思想，跤步在踏著思量。
跤踏雙船愛斟酌，互不侵犯訂條約，
未來希望靠教育，雙贏兩利求吉祥。
共存共榮加接觸，互助發展真興隆，
世界和平有作用，歷史留名作英雄。
疼惜台灣好所在，好山好水逐家愛，
徛踮世界的舞台，展出你我好氣慨。
有夢上媠來圓夢，希望相隨有向望，
關心台灣齊振動，做著正港台灣人。
莊文龍~~輕鬆自在~~
執著堅持使命感，仗義直言才心安，
濟弱扶傾毋通等，愛做家己春雷霆。
莊文龍~~街頭抗爭~~
無情畏寒毋回應，民主政治眾志成，
風雨淒冷心頭冷，信心堅定國家興。