~~胡非糝做~~
目睭擘金行動緊，台語社友蓋認真，
懲處亂紀昭公信，公平正義有精神。
昨昏，我佇台中市。全國語文競賽（臺語國小學生組）轉播室，評審講評兮時間，我聽著規厝間兮笑聲。照我兮判斷，應該是逐家老師、家長，對評審講評的內容感覺真趣味！高貴兮評審大人用予我聽無啥有兮臺語來講評。臺語的文化太深囉，凡勢…除了我所知影兮…泉、漳、廈門以外，猶擱有我所毋捌兮腔口。伊彼款特殊兮腔口真正無仝款，聽起來毋是普通兮食力！路尾…伊也真好心，歸氣講寡＂華語＂『然後…』喔！這戇兮我，到今才知…原來…評審大人伊臺語講袂輾轉啦！lâng伊講了真有道理：入聲字愛注意（雖然，伊攏講袂好勢）。合唇音愛會記得喙愛合。（啊！歹勢，我綴逐家顧咧笑，煞無注意聽看妳家己敢有合好勢）評審講一項代誌尚實在：逐个囡仔攏是第一名！評審大人…若和【祢】比，我實在揣袂出會當排佇【祢】後壁兮囡仔，逐家攏講了，比【祢】較好、較標準呢！請問…【祢】敢會…走了毋著間教室做評審？我知影，我和我兮囡仔攏猶有不足和進步兮空間，想袂到全國賽兮評審大人，會當進步兮空間，竟然是如此曠闊，實在是令我眼界為之大開，故著文一篇，以示感謝之意！
- 黑輪 Jū-khái Piãbér Lîm小弟兮”膽”誠健康無問題，多謝關心！真正是無注意著彼位”專家”兮大名大姓，無法度完成您兮心願，踮遮會失禮！耐心等ＤＶＤ出來逐家就知啊！ Sìn-hān Hô感謝指點！