~~跨校合作、推廣台語、結合音樂、普遍傳唱~~
歡喜相褒學台語~~湖山國小、玉田國小、礁溪國中篇~~李國宏老師
非常感謝陳建州校長、林宏宗老師、湖山國小、玉田國小、礁溪國中學生協助!!!
一 學台語
學生朋友學台語，大聲開喙上歡喜，
會曉讀冊唸歌詩，這款快樂無地比。
二 勤讀冊
拍算計畫勤讀冊，拚命認真莫留白，
讀久體會寶貝提，冊中好空在你踅。
三 有禮貌
做人謙虛有禮貌，看人就笑愛頕頭，
朋友弟兄好慷交，金銀財寶到咱兜。
四 守規矩
上課做人守規矩，跤手緊快聽教示，
訓練家己好腦智，創新應變得先機。
五 愛清氣
穿插好看愛清氣，指甲捷修照順序，
身軀定洗真四序，環境清幽樂安居。
台語芬芳好氣味，巧妙運用激腦智，
轉化美麗媠歌詩，傳唱千年佮萬年。
相褒歌曲台灣寶，出喙成歌來相褒，
欲揣這款世界無，逐家來學真正好。