重視願用阮肯拚，感謝借搭順風車，
台語巧妙誠心請，落實推動創雙贏。
台語路上，做無錢的工課窒倒街 ，若有尊重、重視，做了嘛心甘情願，甘心予人利用，成就他人光彩。
以早定定借用我的朋友資源，卻是心中上大的痛，仝款義務付出，成就我的戇事，有當時主辦單位卻是對人如此無夠尊重，連帶害我真歹勢。
叫人做無錢的義工，猶閣請人提錢贊助。傷過超過!
邀請人來表演，卻是等到散場，請人做配角音樂濫竽充數，凝心!
後擺照品照行!先提行路工，節目排予好，無欲予人出名出聲，提錢來請!來倩!
別人毋是閒閒無代誌佇相伨，我嘛是借錢過日子。像謝國源老師講的:無嘛!貼一點油錢，莫叫人倒貼!